നല്ല കോഴിക്കോടൻ ‘മുട്ടമാല’

മുട്ട- 10 എണ്ണം
പഞ്ചസാര- ഒരു കപ്പ്
പാല്‍പ്പൊടി- നാല് ടീസ്പൂണ്‍
ഏലക്കായ- 5 എണ്ണം
നെയ്യ്- ആവശ്യത്തിന്
വെള്ളം- ആവശ്യത്തിന്

തയാറാക്കുന്ന വിധം

മുട്ട പൊട്ടിച്ച് വെള്ളയും മഞ്ഞയും വേര്‍തിരിച്ചുവെയ്ക്കുക. മുട്ടയുടെ മഞ്ഞ ഒരു സ്പൂണ്‍കൊണ്ട് നന്നായി ഉടച്ച് അരിച്ചെടുക്കുക. ഒരു പാനില്‍ മുക്കാല്‍ കപ്പ് വെള്ളത്തില്‍ പഞ്ചസാര ചെറിയ ചൂടില്‍ ഉരുക്കിയെടുക്കുക. പഞ്ചസാര നന്നായി അലിഞ്ഞു കഴിഞ്ഞാല്‍ മുട്ടയുടെ മഞ്ഞ നൂല് പോലെ പഞ്ചസാര ലായിനിയില്‍ ചുറ്റിയൊഴിക്കുക. ശേഷം ഒരു ടീസ്പൂണ്‍ വെള്ളം തളിച്ച് മുട്ടമാല കോരിയെടുക്കാം. മുട്ടയുടെ മഞ്ഞ മുഴുവന്‍ ഇങ്ങനെ തയ്യാറാക്കാം. ശേഷം ബാക്കിവരുന്ന പഞ്ചസാര സിറപ്പ് തണുപ്പിക്കുക. പാല്‍പ്പൊടിയും മുട്ടവെള്ളയും ഏലക്കയും പഞ്ചസാര സിറപ്പും ചേര്‍ത്ത് മിക്‌സിയിലടിച്ചെടുക്കുക. ഇത് നെയ്യ് പുരട്ടിയ പാത്രത്തിലൊഴിച്ച് ആവിയില്‍ വേവിച്ചെടുക്കുക.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here