മൈക്രോ സോഫ്റ്റ് സ്ഥാപകൻ ബിൽ ഗേറ്റ്സിന്റെയും മെലിൻഡയുടെയും മൂത്തമകൾ ജെന്നിഫർ കാതറീൻ ഗേറ്റ്സ് വിവാഹിതയായി. ഈജിപ്ത്യൻ വംശജനായ ബിസിനസുകാരന്‍ നഈൽ നാസറാണ് ജെന്നിഫറിനെ വിവാഹം കഴിച്ചത്.
ശനിയാഴ്ചയായിരുന്ന വിവാഹം. 25 കാരിയായ കാതറീനും 30 കാരനായ നാസറും തമ്മിൽ ഏറെ നാളായി പ്രണയത്തിലായിരുന്നു. സ്റ്റാബ്ൾസ് എൽഎൽസി എന്ന കമ്പനി മേധാവിയാണ് നാസർ. കാലിഫോർണിയയിലെ സാൻഡിയാഗോയിലാണ് താമസം.
അറിയപ്പെടുന്ന പ്രൊഫഷണൽ കുതിരയോട്ടക്കാരനുമാണ് നാസർ. 2020 ജനുവരിയിലാണ് ഇരുവരുടെയും വിവാഹ നിശ്ചയം കഴിഞ്ഞത്. ജെന്നിഫറിന്റെ അമ്മ മെല്ലിന്‍ഡയാണ് വിവാഹത്തിനു വേണ്ട എല്ലാ ഒരുക്കങ്ങളും നടത്തിയതെന്നാണ് റിപ്പോര്‍ട്ട്. അടുത്തിടെ വിവാഹ മോചനം നേടിയ ബിൽ ഗേറ്റ്സും മെലിൻഡയും ഒരുമിച്ച് കൂടിയ പൊതുവേദി കൂടിയായി മകളുടെ വിവാഹം. ഇരുവരുടെയും മൂത്തമകളാണ് ജെന്നിഫർ. ഖോഖി ഗേറ്റ്സ്, ഫോബി ഗേറ്റ്സ് എന്നിവരാണ് മറ്റുമക്കൾ.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
