കൂട്ടിക്കൽ പ്ലാപ്പള്ളിയിൽ ഉരുൾപൊട്ടൽ ദുരന്തത്തിൽ ഒരു കുടുംബത്തിലെ ആറുപേര് മരിച്ച മാര്ട്ടിന്റെയും അഞ്ച് കുടുംബാംഗങ്ങളുടെയും സംസ്കാരം ഇന്നുനടക്കും. ക്ലാരമ്മ ജോസഫ്, മാര്ട്ടിന്, സിനി, സ്നേഹ, സോന, സാന്ദ്ര എന്നിവരാണ് മരിച്ചത്. കാവാലി പള്ളിയില് ഉച്ചയ്ക്ക് രണ്ടുമണിക്കാണ് സംസ്കാരം.
അതേസമയം, സംസ്ഥാനത്ത് ഉരുള്പൊട്ടലില് ഏറ്റവുമധികം ദുരിതമുണ്ടായ കോട്ടയം ജില്ലയിലെ കൂട്ടിക്കല് പ്ലാപ്പള്ളി മേഖലയില് അപകടത്തില്പ്പെട്ടവര്ക്കായി ഇന്നും തെരച്ചില് തുടരും. പ്ലാപ്പള്ളി, കൂട്ടിക്കല്, ചപ്പാത്ത്, ഏന്തിയം, മുണ്ടക്കയം ഭാഗങ്ങളില് രാത്രി ശക്തമായ മഴ പെയ്തു. പുലര്ച്ചെയോടെ മഴയ്ക്ക് ശമനമുണ്ടായിട്ടുണ്ട്. മാറ്റിപ്പാര്പ്പിക്കപ്പെട്ടവര് ഉടന് തിരികെയെത്തരുതെന്നാണ് അധികൃതര് നല്കുന്ന നിര്ദേശം.
അഞ്ച് ദിവസത്തെ മഴക്കെടുതിയിൽ മരണപ്പെട്ടത് 31 പേരാണ്. ഇതിൽ തന്നെ 11 പേർ ഉരുൾപൊട്ടിയും രണ്ട് പേർ ഒഴുക്കിൽപ്പെട്ടുമാണ് മരണപ്പെട്ടത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here