‘സിറ്റി വിത്ത് ദി മോസ്റ്റ് സസ്റ്റെയിനബിള് ട്രാന്സ്പോര്ട്ട് സിസ്റ്റം’ അവാര്ഡ് കേരളത്തിന്. കേന്ദ്ര സര്ക്കാര് ഏര്പ്പെടുത്തിയ മികച്ച സുസ്ഥിര നഗര ഗതാഗത സംവിധാനത്തിനുള്ള അവാര്ഡാണ് ഇത്. മന്ത്രി ആന്റണി രാജുവാണ് അവാര്ഡ് വിവരം പുറത്തു വിട്ടത്. നഗര ഗതാഗത മേഖലയിലെ മികവിന് കേന്ദ്ര സര്ക്കാരിന്റെ ഭവനനഗരകാര്യ മന്ത്രാലയം ഏര്പ്പെടുത്തിയ അവാര്ഡാണിത്.
കൊച്ചി മെട്രോ, വാട്ടര്മെട്രോ, ഇമൊബിലിറ്റി തുടങ്ങിയ സംവിധാനങ്ങളിലൂടെ കൊച്ചി നഗരത്തിലെ ഗതാഗത സൗകര്യം വര്ധിപ്പിക്കുവാന് നടപ്പിലാക്കിയ പദ്ധതികള് കണക്കിലെടുത്താണ് പുരസ്കാരം ലഭിച്ചത്. വിവിധ ഗതാഗത സൗകര്യങ്ങള് ഡിജിറ്റലൈസ് ചെയ്ത് സംയോജിപ്പിച്ച കൊച്ചി ഓപ്പണ് മൊബിലിറ്റി നെറ്റ് വര്ക്കിന്റെ രൂപീകരണം പുരസ്കാരം ലഭിക്കുന്നതിന് സഹായകരമായതായി മന്ത്രി പറഞ്ഞു.
ഇന്ത്യയിലെ വിവിധ സംസ്ഥാനങ്ങളിലെയും കേന്ദ്ര ഭരണപ്രദേശങ്ങളിലെയും ഗതാഗത സൗകര്യം വിലയിരുത്തിയാണ് ഈ അവാര്ഡ് നല്കുന്നത്. ഒക്ടോബര് 29ന് ഡല്ഹിയില് നടക്കുന്ന ചടങ്ങില് കേന്ദ്ര ഹൗസിങ്ങ് ആന്ഡ് അര്ബന് അഫയേഴ്സ് മന്ത്രി ഹര്ദീപ് സിംഗ് പുരി അവാര്ഡ് വിതരണം ചെയ്യും.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here