പ്ലസ് വൺ പ്രവേശനത്തിന് പുതിയ മാനദണ്ഡങ്ങൾ അവതരിപ്പിച്ച് വിദ്യാഭ്യാസ മന്ത്രി വി ശിവന്കുട്ടി. അപേക്ഷകരുടെ എണ്ണം വർധിക്കുന്നത് പരിശോധിച്ചാകും പുതിയ ബാച്ചുകൾ അനുവദിക്കുകയെന്ന് മന്ത്രി നിയമസഭയെ അറിയിച്ചു.
താലൂക്ക് അടിസ്ഥാനത്തിൽ കൂടുതൽ സീറ്റുകളുള്ള സ്ഥലങ്ങളിൽ നിന്ന് കുറവ് ഉള്ള സ്ഥലങ്ങളിലേക്ക് മാറ്റും.WGPA മാനദണ്ഡമാക്കിയാണ് അലോട്ട്മെൻ്റ്.അതിന്റെ അടിസ്ഥാനത്തിലാണ് റാങ്ക് ലിസ്റ്റ് തയ്യാറാക്കിയതെന്നും ആവശ്യമെങ്കിൽ താൽക്കാലിക ബാച്ച് അനുവദിക്കുമെന്നും മന്ത്രി സഭയിൽ പറഞ്ഞു .പാലക്കാട്, കോഴിക്കോട്, വയനാട്,മലപ്പുറം, കണ്ണൂർ കാസർകോട്, തിരുവനന്തപുരം എന്നീ ജില്ലകളിൽ മാർജിനൽ സീറ്റ് വർദ്ധിപ്പിച്ചുവെന്നും മന്ത്രി.
വിദ്യാഭ്യാസ മന്ത്രി സഭയില് അവതരിപ്പിച്ച നാലിന മാനദണ്ഡങ്ങള്:
ഒഴിഞ്ഞുകിടക്കുന്ന ബാച്ചുകൾ കണ്ടെത്തി അവ ആവശ്യമുള്ള ജില്ലകളിലേക്ക് മാറ്റും
മാര്ജിനല് സീറ്റ് വര്ധിപ്പിക്കാത്ത ജില്ലകളില് 10 ശതമാനം സീറ്റ് കൂട്ടും
സീറ്റ് വര്ധിപ്പിച്ച ശേഷവും പരിഹാരം ഉണ്ടായില്ലെങ്കിൽ സപ്ലിമെന്ററി അലോട്ട്മെന്റ് പ്രസിദ്ധീകരിക്കും.
സപ്ലിമെന്ററി അലോട്ട്മെന്റിന്റെ അടിസ്ഥാനത്തില് സയന്സിന് താല്ക്കാലിക ബാച്ചുകള് അനുവദിക്കും.
സ്കൂള് അടിസ്ഥാനത്തില് ഒഴിവുള്ള പ്ലസ് വണ് സീറ്റിന്റെ കണക്കെടുത്തതായും അന്പത് താലൂക്കുകളില് സീറ്റ് കുറവ് അനുഭവപ്പെട്ടതായും വിദ്യാഭ്യാസ മന്ത്രി പറഞ്ഞു. പ്ലസ് വണ് സീറ്റുകള് കൂടുതലുള്ള സ്ഥലങ്ങളിൽ നിന്ന് സീറ്റ് കുറവുള്ള സ്ഥലങ്ങളിലേക്ക് മാറ്റുമെന്നും പത്ത് ശതമാനം സീറ്റ് വര്ധിപ്പിക്കുമെന്നും മന്ത്രി പറഞ്ഞു.
ഹയര് സെക്കണ്ടറി സീറ്റുകള് എല്ലാവര്ക്കും ലഭിക്കുന്നതിനുവേണ്ട പരിഹാരമാര്ഗ്ഗങ്ങള്
1. പരിപൂര്ണ്ണമായി ഒഴിഞ്ഞു കിടക്കുന്ന ബാച്ചുകള് കണ്ടെത്തി ആവശ്യമുള്ള ജില്ലയിലേക്ക് മാറ്റും.
2. നിലവില് 20% സീറ്റ് വര്ദ്ധനവ് ഏര്പ്പെടുത്തിയ
ജില്ലയില് സീറ്റിന്റെ ആവശ്യകത ഉണ്ടാകുകയാണെങ്കില് സര്ക്കാര് സ്കൂളുകളില് 10% സീറ്റ്
വര്ദ്ധനവും കൂടി അനുവദിക്കുന്നതാണ്.
3. മുന്പ് മാര്ജിനല് സീറ്റ് വര്ദ്ധനവ് നല്കാത്ത
ജില്ലയാണെങ്കില് ആവശ്യകത പഠിച്ച് എല്ലാ
സര്ക്കാര് സ്കൂളുകളിലും 20% അല്ലെങ്കില്
10% സീറ്റ് വര്ദ്ധനവ് അനുവദിക്കുന്നതാണ്.
അടിസ്ഥാന സൗകര്യമുള്ള അപേക്ഷിക്കുന്ന
എയ്ഡഡ് / അണ്-എയ്ഡഡ് സ്കൂളുകള്ക്ക്
നിബന്ധനകള്ക്ക് വിധേയമായി (മാര്ജിനല്
വര്ദ്ധനവിന്റെ 20% മാനേജ്മെന്റ് സീറ്റും
ബാക്കിയുള്ള സീറ്റുകള് പൊതുമെറിറ്റ്
സീറ്റായും) 20% അല്ലെങ്കില് 10 % സീറ്റ്
വര്ദ്ധിപ്പിക്കും.
4. സീറ്റ് വര്ദ്ധനവിലൂടെ പരിഹരിക്കപ്പെടാത്തപക്ഷം സപ്ലിമെന്ററി അലോട്ട്മെന്റിന് ലഭിക്കുന്ന
അപേക്ഷകളെ അടിസ്ഥാനപ്പെടുത്തി
താല്ക്കാലിക ബാച്ചുകള് അനുവദിക്കും.
5. സപ്ലിമെന്ററി അലോട്ട്മെന്റ് പ്രസിദ്ധീകരിച്ചതിനു ശേഷം സയന്സ്, ഹ്യുമാനിറ്റീസ്, കൊമേഴ്സ്
എന്നീ വിഷയങ്ങളില് കോഴ്സ് അടിസ്ഥാനത്തില് എത്ര പേര്ക്കാണ് സീറ്റ് ലഭിക്കേണ്ടത് എന്ന്
വ്യക്തമാകും. അത് അനുസരിച്ച് കണക്കെടുത്ത് സീറ്റ് വര്ദ്ധനവ് നടത്തും.
എന്നാല് കൂട്ടികള് ഏറ്റവും കൂടുതല്
താല്പ്പര്യപ്പെടുന്ന സയന്സ് ഗ്രൂപ്പില് വേണ്ടി
വന്നാല് തല്ക്കാലിക ബാച്ചുകള് അനുവദിക്കും.
6. പട്ടിക വര്ഗ വിദ്യാര്ത്ഥികള്ക്ക് പ്രയോജനകരമാകുന്നതിനായി വയനാട് ജില്ലയിലെ നല്ലൂര്നാട്
അംബേദ്കര് മെമ്മോറിയല് മോഡല്
റെസിഡെന്ഷ്യല് സ്കൂളില് ഒരു ഹ്യുമാനിറ്റീസ് ബാച്ചും, ഗവണ്മെന്റ് മോഡല് റെസിഡെന്ഷ്യല് സ്കൂള് ഫോര് ഗേള്സ് കല്പ്പറ്റയില് ഒരു
ഹ്യുമാനിറ്റീസ് ബാച്ചും അനുവദിക്കും.
എല്ലാ കുട്ടികൾക്കും പ്ലസ് വണ് പ്രവേശനം കിട്ടുമെന്നും മന്ത്രി നിയമസഭയെ അറിയിച്ചു. മുഴുവൻ എ പ്ലസ് കിട്ടിയതിൽ 5812 പേർക്ക് മാത്രമാണ് ഇനി പ്രവേശനം കിട്ടാനുള്ളതെന്നും അവര്ക്ക് പ്രവേശനം ഉറപ്പാക്കുമെന്നും ആശങ്കയ്ക്ക് അടിസ്ഥാനമില്ലെന്നും മന്ത്രി വ്യക്തമാക്കി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here