തിരുവനന്തപുരം മേയർ ആര്യ രാജേന്ദ്രനെതിരെ സ്ത്രീ വിരുദ്ധ പരാമർശം നടത്തി കെ.മുരളീധരൻ എം പി. കാണാൻ മേയർക്ക് നല്ല സൗന്ദര്യമുണ്ട് , പക്ഷേ വായിൽ നിന്ന് വരുന്നത് ഭരണി പാട്ടാണെന്നും അധിക്ഷേപിച്ചു.നഗരസഭയിലെ പ്രതിപക്ഷ പാർട്ടി സമരത്തിൽ പങ്കെടുക്കവെയാണ് മുരളീധരന്റെ പരാമർശം.
”കാണാൻ നല്ല സൗന്ദര്യമൊക്കെയുണ്ട്, പക്ഷേ വായിൽ നിന്ന് കൊടുങ്ങല്ലൂര് ഭരണിപ്പാട്ടിനേക്കാള് ഭയാനകമായ ചില വര്ത്തമാനങ്ങളാണ് വായില് നിന്നും വരുന്നത്. ഇതൊക്കെ ഒറ്റ മഴയത്ത് മാത്രം കിളിര്ത്തതാണ്. ആ മഴയുടെ സമയം കഴിയുമ്പോഴേക്കും സംഭവം തീരും. ഇങ്ങനെ ഒരുപാട് പേരെ കണ്ടിട്ടുള്ള നഗരസഭയാണിതെന്ന് ഓര്മ്മിപ്പിക്കുകയാണ്. ഒരുപാട് മഹത് വ്യക്തികള് ഇരുന്ന കസേരയിലാണ് അവരിപ്പോള് ഇരിക്കുന്നത്.
കേരളത്തില് അറിയപ്പെട്ട നിര്മാതാവും സംവിധായകനുമായ പി സുബ്രഹ്മണ്യം, എം.പി. പത്മനാഭന് എന്നിവര് ഇരുന്ന കസേരയിലാണ് ആര്യാ രാജേന്ദ്രന് ഇരിക്കുന്നത്. അതുകൊണ്ട് അവരോട് ഒരു കാര്യം ഞാന് വിനയപൂര്വം പറയാം. ദയവായി അരക്കള്ളന് മുക്കാല്ക്കള്ളനിലെ കനകസിംഹാസനത്തില് എന്ന പാട്ട് ഞങ്ങളെ കൊണ്ട് പാടിക്കരുത് എന്നു മാത്രമാണ് അവരോടു പറയാനുള്ളത്.”
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here