ബിരിയാണിയടക്കമുള്ള ഭക്ഷണപദാര്ത്ഥങ്ങള്ക്ക് ഗന്ധം നല്കാന് ഉപയോഗിക്കുന്ന ഒന്നാണ് രംഭയില. ബിരിയാണി, ഫ്രൈഡ് റൈസ് എന്നിവയ്ക്ക് സുഗന്ധവും രുചിയും നല്കാന് ഇല ചേര്ക്കുന്നു.
പാചകത്തിന് പുറമേ ഐസ്ക്രീം, പുഡ്ഡിങ്, മധുരവിഭവനിര്മാണം എന്നിവയിലും ഇതുപയോഗിച്ചുവരുന്നു. ശീതളപാനീയങ്ങള്ക്ക് നിറവും ഗന്ധവും പകരാനും നല്ലതാണ്.
ദന്തരോഗത്തിനും ഉദരരോഗത്തിനും ദഹനക്കേടിനും നല്ലതാണ് രംഭയില. വായ്നാറ്റം വരാതിരിക്കാന് ഇത് ചവച്ചുതുപ്പിയാല് മതി. കറികള്ക്കും മാംസാഹാരത്തിനും മണംപകരാന് ഇല ഉപയോഗിക്കുകയും ചെയ്യാം
രംഭയിലയിട്ടുണ്ടാക്കിയ ഗന്ധച്ചായ ചില രാജ്യങ്ങളില് ഉപയോഗിക്കാറുണ്ട്. രംഭയിലയെ വയനാട്ടില് ചിലര് ഗന്ധപുല്ല് എന്നാണ് പറയുന്നത്. പുട്ട് ചുടുന്നതിനൊപ്പവും ചക്കയപ്പം തയ്യാറാക്കുന്നതിനൊപ്പവും ഇതിട്ടാല് നല്ലമണവും രുചിയും കിട്ടും.
ഇല വെയിലത്ത് ഉണക്കുകയോ, വെള്ളത്തിലിട്ട് തിളപ്പിക്കുകയോ ചെയ്യുമ്പോളാണ് ബിരിയാണിയുടെ ഗന്ധം പുറത്തു വരിക. ഇത് ഏത് കാലാവസ്ഥയിലും നന്നായി വളരും.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here