ആർ.ജെ. സൂരജിനെതിരായ കോൺഗ്രസ് അനുകൂലികളുടെ സൈബർ ആക്രമണം അപലപനീയമാണെന്ന് ഡി.വൈ.എഫ്.ഐ സംസ്ഥാന സെക്രട്ടറിയേറ്റ്. കഴിഞ്ഞ ദിവസം കൊച്ചി-കണ്ണൂർ ഇൻഡിഗോ വിമാനത്തിൽ കെ.പി.സി.സി അധ്യക്ഷൻ കെ.സുധാകരനും അനുയായികളും നടത്തിയ അതിക്രമങ്ങൾ പുറത്തുവിട്ടതിനെ തുടർന്നാണ് ആർ.ജെ.സൂരജിനെതിരെ സൈബർ ആക്രമണവുമായി കോൺഗ്രസ് അനുകൂലികൾ രംഗത്തെത്തിയതെന്ന് ഡി.വൈ.എഫ്.ഐ വ്യക്തമാക്കി.
‘വിമാന യാത്രയ്ക്കിടെ നേരിട്ട അനുഭവം വെളിപ്പെടുത്തിയതിന് കമന്റ് ബോക്സിലും ഇൻബോക്സിലും അസഭ്യ പരാമർശങ്ങളുമായി കോൺഗ്രസ് നടത്തുന്ന ഈ ആക്രമണം സാംസ്‌കാരിക കേരളത്തിന് അപമാനമാണ്. അനീതിയെ എതിർക്കാനും അഭിപ്രായം പറയാനുമുള്ള ജനാധിപത്യ അവകാശങ്ങൾക്കുമേലുള്ള കടന്നാക്രമണമാണിത്. ഇത് പുരോഗമന കേരളത്തിന് കളങ്കമാണ്. ആർ.ജെ.സൂരജിന് എല്ലാവിധ പിന്തുണയും നൽകും,’ ഡി.വൈ.എഫ്.ഐ പ്രസ്താവനയിൽ പറഞ്ഞു.
കൊച്ചി-കണ്ണൂർ ഇൻഡിഗോ വിമാനത്തിലെ എയർഹോസ്റ്റസിനെ കെ.പി.സി.സി അധ്യക്ഷൻ കെ. സുധാകരന്റെ കൂടെയുണ്ടായിരുന്നയാൾ ഭീഷണിപ്പെടുത്തിയതായി ആർ.ജെ. സൂരജ് ഫേസ്ബുക്കിലെഴുതിയിരുന്നു.
അതേ വിമാനത്തിൽ യാത്ര ചെയ്ത അനുഭവമാണ് സൂരജ് എഴുതിയത്. ഇതിന് പിന്നാലെ സൂരജിന് നേരെ കോൺഗ്രസ് അനുകൂലികളുടെ സൈബർ ആക്രമണമുണ്ടായിരുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
