കോർപറേറ്റ് നാമം മാറ്റി ഫെയ്സ്ബുക്ക് ഇനി മുതല്‍ ‘മെറ്റ’ എന്നാണ് അറിയപ്പെടുകയെന്ന് ഫേസ്ബുക്ക് സിഇഒ മാർക്ക് സക്കര്‍ബര്‍ഗ് അറിയിച്ചു. ആപ്പുകളുടെ പേരുകള്‍ മാറുകയില്ലെന്നും പകരം ഫേസ്ബുക്ക്, വാട്സ്ആപ്, ഇൻസ്റ്റഗ്രാം, ഒകുലസ് എന്നീ സമൂഹ മാധ്യമങ്ങളുടെ അധിപരായ കമ്പനിയുടെ പേരിൽ മാറ്റം വരും.
ഫേസ്ബുക്ക് ഇൻകോർപറേറ്റ് എന്നാണ് ഇത്രയും കാലം കമ്പനി അറിയപ്പെട്ടിരുന്നത്. ഇനി മുതൽ ‘മെറ്റ ഇൻകോർപറേറ്റ്’ എന്ന പേരിലായിരിക്കും അറിയപ്പെടുക എന്ന് സക്കർബർഗ് വ്യക്തമാക്കി.ഗെയിം, വര്‍ക്ക്, കമ്യൂണിക്കേഷന്‍ തുടങ്ങിയവയെല്ലാം വെര്‍ച്വല്‍ റിയാലിറ്റി ഹെഡ്സെറ്റുകളിലൂടെ സാധ്യമാക്കുന്ന മെറ്റാവെഴ്സ് എന്ന ഓണ്‍ലൈന്‍ ലോകം സൃഷ്ടിക്കാനുള്ള പദ്ധതിയും പ്രഖ്യാപിച്ചിട്ടുണ്ട്.
സമൂഹമാധ്യമം എന്ന തലത്തിൽ നിന്ന് വെർച്വൽ റിയാലിറ്റി തുടങ്ങിയ പുത്തൻ സങ്കേതങ്ങളിലേക്ക് മാറുന്നതിന്റെ കൂടി ഭാഗമായാണ് കമ്പനിയുടെ പേരു മാറ്റിയത്. ഗെയിം, വർക്ക്, കമ്യൂണിക്കേഷൻ തുടങ്ങിയവയെല്ലാം വെർച്വൽ റിയാലിറ്റി ഹെഡ്സെറ്റുകളിലൂടെ സാധ്യമാക്കുന്ന ‘മെറ്റാവെഴ്സ്’ എന്ന ഓൺലൈൻ ലോകം സൃഷ്ടിക്കാനുള്ള പദ്ധതിയും സക്കർബർഗ് വെളിപ്പെടുത്തി.
മെറ്റയെക്കുറിച്ച് കൂടുതൽ കാര്യങ്ങൾ എന്തൊക്കെയാണെന്നു നോക്കാം
‘മെറ്റാ പ്ലാറ്റ്‌ഫോംസ് ഇന്‍കോര്‍പ്പറേറ്റഡ്’ എന്നതിന്റെ ചുരുക്കപ്പേരാണ് മെറ്റ.
മെറ്റാ എന്നറിയപ്പെടുന്ന ഫേസ്ബുക്ക് അതിന്റെ സ്‌റ്റോക്ക് ടിക്കര്‍ എഫ്.ബിയില്‍ നിന്ന് എം.വി.ആര്‍.എസിലേക്ക് മാറ്റും.
ഡിസംബര്‍ 1 ന് ഇത് നിലവില്‍ വരും
മെറ്റയുടെ കീഴിലായിരിക്കും ഫേസ്ബുക്ക്, ഇന്‍സ്റ്റഗ്രാം, വാട്‌സാപ്പ് തുടങ്ങിയ ആപ്പുകള്‍ പ്രവര്‍ത്തിക്കുക.
ഫേസ്ബുക്ക് പ്ലാറ്റ്‌ഫോം നിലവിലെപോലെ തുടരുന്നതിനാല്‍ പേരുമാറ്റം ഉപയോക്താക്കളെ ബാധിക്കില്ല.
വ്യക്തികള്‍ക്ക് പരസ്പരം കാണാനും സംസാരിക്കാനുമെല്ലാം ‘ഷെയേഡ് വിര്‍ച്വല്‍ സ്‌പേസ്’ ആണ് മെറ്റാവേഴ്‌സ്.വ്യത്യസ്ത ഉപകരണങ്ങളിലൂടെ ആളുകള്‍ക്ക് ഈ വിര്‍ച്വല്‍ ലോകത്ത് പ്രവേശിക്കാനാകും.
‘മെറ്റ’ ഒരു ഗ്രീക്ക് വാക്കാണ്. ബിയോണ്ട് അഥവാ അതിരുകള്‍ക്കും പരിമിതികള്‍ക്കും അപ്പുറമെന്നാണ് അര്‍ത്ഥം.
അഞ്ച് കോടി ഡോളറാണ് മെറ്റാവേഴ്‌സ് പദ്ധതിക്കായി ഫേസ്ബുക്ക് നിക്ഷേപിച്ചിരിക്കുന്നത്.
ഫേസ്ബുക്ക് റിയാലിറ്റി ലാബിന്റെ ഭാഗമായാണ് മെറ്റാവേഴ്‌സ് ടീം പ്രവര്‍ത്തിക്കുക.
മെറ്റാവേഴ്‌സിനു വേണ്ടി ഒരു ടീം രൂപീകരിക്കുമെന്ന് ഫേസ്ബുക്ക് ജൂലൈയില്‍ പ്രഖ്യാപിച്ചിരുന്നു.
ഫേസ്ബുക്ക്, ഇന്‍സ്റ്റഗ്രാം, വാട്ട്‌സാപ്പ് , ഒക്കുലസ് തുടങ്ങിയ ആപ്പുകള്‍ ഉളള കമ്പനി ആരംഭിച്ച് 17 വര്‍ഷത്തിനുശേഷമാണ് പുതിയ നടപടി.
നീല നിറത്തില്‍ ഇന്‍ഫിനിറ്റി മാതൃകയിലുള്ളതാണ് കമ്പനിയുടെ പുതിയ ലോഗോ.
കമ്പനി റീബ്രാന്‍ഡിങ്ങിനൊരുങ്ങുന്നതായി നേരത്തെ റിപ്പോര്‍ട്ടുകളുണ്ടായിരുന്നു. ഒരു സോഷ്യല്‍ മീഡിയ കമ്പനിയായി ഒതുങ്ങാതെ പ്രവര്‍ത്തനം വ്യാപിപ്പിക്കുന്നതിനുള്ള ഒരുക്കത്തിന്റെ ഭാഗമായാണ് നടപടിയെന്നാണ് വിലയിരുത്തല്‍.
ബ്രാന്‍ഡ് നെയിം മാറ്റത്തോടെ സ്മാര്‍ട്‌ഫോണ്‍ അടക്കമുള്ള ഡിജിറ്റല്‍ ഉത്പന്നങ്ങളുടെ നിര്‍മ്മാണത്തിലേക്ക് കടക്കാന്‍ സക്കര്‍ബര്‍ഗ് ആഗ്രഹിക്കുന്നുവെന്നാണ് വിവരം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
