കുന്ദമംഗലം- കോട്ടാം പറമ്പ് – മുണ്ടിക്കല് താഴം എന്നീ ഭാഗങ്ങളില് കുന്ദമംഗലം എക്സൈസും കോഴിക്കോട് എക്സൈസ് ഇന്റലിജന്സ് ബ്യൂറോയും സംയുക്തമായി നടത്തിയ റെയ്ഡില് മൂന്ന് കിലോ കഞ്ചാവുമായി യുവതി അറസ്റ്റിൽ . കോഴിക്കോട് വെള്ളയില് സ്വദേശിനി കമറുന്നീസയെയാണ് കുന്ദമംഗലം എക്സൈസ് ഇന്സ്പെക്ടര് മനോജ് പടിക്കത്തും പാര്ട്ടിയും അറസ്റ്റ് ചെയ്തത്.
കമറുന്നീസ കോഴിക്കോട് – കുന്ദമംഗലം ഭാഗങ്ങളിലെ മയക്ക് മരുന്ന വില്പ്പന ശൃംഖലയിലെ പ്രധാന കണ്ണിയാണ്. ചെറുകിട കച്ചവടക്കാര്ക്ക് ആവശ്യമുള്ള കഞ്ചാവ് എത്തിച്ചു കൊടുക്കലാണ് ഇവർ ചെയ്തിരുന്നത്. കമറുന്നീസ മുമ്പ് ലഹരി കേസില് 8 വര്ഷം തടവ് ശിക്ഷ അനുഭവിച്ച് പുറത്തിറങ്ങിയതാണ്.
ഇവർ പ്രധാനമായും കോയമ്പത്തൂര് ,മധുര എന്നിവിടങ്ങളില് നിന്നാണ് കഞ്ചാവ് എത്തിക്കുന്നത്. ഇവരുടെ മൊബൈല് ഫോണ് കേന്ദ്രീകരിച്ച് കൂടുതല് അന്വേഷണം നടത്തിവരുകയാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here