നടൻ ജോജു ജോർജിന് പിന്തുണയുമായി ഡിവെെഎഫ്ഐ. മാളയിൽ കാല് കുത്തിക്കില്ലെന്ന യൂത്ത് കോൺഗ്രസ് വാദം ജനാധിപത്യ വിരുദ്ധമെന്ന് ഡിവെെഎഫ്ഐ തൃശൂർ ജില്ലാ സെക്രട്ടറി പി ബി അനൂപ്.ജോജുവിനും കുടുംബത്തിനും ആവശ്യമായ എല്ലാ സംരക്ഷണവും ഡിവൈഎഫ്ഐ നൽകും.യൂത്ത് കോൺഗ്രസിൽ നിന്ന് ഇത്തരമൊരു പ്രതികരണം അല്ല വരേണ്ടതെന്നും പ്രതികാരിക്കാനുള്ള അവകാശം എല്ലാവർക്കുമുണ്ടെന്നും അനൂപ് വ്യക്തമാക്കി.
ജോജു ജോർജ്ജിന്റെ മാളയിലുള്ള വീട്ടിലേക്ക് കെ എസ് യു – യൂത്ത് കോൺഗ്രസ്സ് പ്രവർത്തകർ കഴിഞ്ഞ ദിവസം പ്രതിഷേധവുമായി എത്തിയിരുന്നു. മാർച്ച് വലിയപറമ്പിൽ വെച്ച് പൊലീസ് ബാരിക്കേഡ് വച്ച് തടഞ്ഞു . ജോജു ജോർജിനെ മാളയിൽ പ്രവേശിപ്പിക്കില്ലെന്ന് കെ.എസ്.യു പ്രവർത്തകർ ഭീഷണിപ്പെടുത്തി.ജോജു അഭിനയിക്കുന്ന സിനിമകൾക്ക് വേണ്ടി വാഹനങ്ങൾ തടയാൻ അനുവദിക്കില്ലെന്ന് പ്രതിഷേധക്കാർ പറഞ്ഞു.
കോൺഗ്രസ് നടത്തിയ സമരത്തിൽ വൈറ്റില – ഇടപ്പള്ളി ബൈപാസില്‍ വന്‍ ഗതാഗതക്കുരുക്കുണ്ടായതിനെ തുടര്‍ന്നാണ് ആ വഴിയിലെ യാത്രക്കാരനായിരുന്ന ജോജു ജോര്‍ജ് പ്രതിഷേധവുമായി റോഡിലിറങ്ങിയത്.ഗതാഗതം തടസപ്പെടുത്തിയുള്ള സമരത്തിനെതിരെയായിരുന്നു ജോജുവിന്റെ പ്രതിഷേധം. വാഹനത്തില്‍ നിന്നിറങ്ങിയ ജോജു സമരക്കാരുടെ അടുത്തെത്തി തന്റെ പ്രതിഷേധം അറിയിക്കുകയായിരുന്നു. ഇത് വാക്കേറ്റത്തിനും ഇടയാക്കുകയായിരുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
