ജോജുവിനെതിരായ കോൺഗ്രസ് ആക്രമണം; പിന്തുണയുമായി ടിനി ടോം

ജോജു ജോർജിനെതിരായ കോൺഗ്രസ് ആക്രമണത്തിൽ ജോജുവിന് പിന്തുണയുമായി നടൻ ടിനി ടോം. ജനങ്ങളുടെ ബുദ്ധിമുട്ട് മനസിലാക്കാതെയുള്ള സമര മാർഗങ്ങളിൽ നിന്ന് കോൺഗ്രസ് പിന്മാറണമെന്നും. വിഷയത്തിൽ താരസംഘടന അമ്മയുടെ ഉൾപ്പടെ പിന്തുണ ജോജുവിനുണ്ടെന്നും അമ്മ എക്സിക്യൂട്ടിവ് മെമ്പർ കൂടിയായ ടിനി ടോം കൈരളി ന്യുസിനോട് പറഞ്ഞു.

അതേസമയം, നടന്‍ ജോജു ജോര്‍ജിനെതിരെ നടന്ന ആക്രമണത്തില്‍ കൂടുതല്‍ അറസ്റ്റ് ഇന്നുണ്ടാക്കും. ജോജുവിന്‍റെ വാഹനം തകര്‍ത്ത കേസില്‍ മുന്‍ മേയര്‍ ടോണി ചെമ്മണി ഉള്‍പ്പടെ 6 പേരെ കൂടി ഇനിയും പിടികൂടാനുണ്ട്.  ഇവരെ വൈകാതെ തന്നെ പിടികൂടുമെന്നും പൊലീസ് അറിയിച്ചു.

നടന്‍ ജോജു ജോര്‍ജിന്‍റെ കാര്‍ തകര്‍ത്ത സംഭവത്തിലും കോണ്‍ഗ്രസിന്‍റെ പ്രതിഷേധവുമായി ബന്ധപ്പെട്ടും നിലവില്‍ രണ്ട് കേസുകളാണ് പൊലീസ് രജിസ്റ്റര്‍ ചെയ്തത്. ഇതില്‍ ജോജുജോർജിന്റെ  കാർ തല്ലി തകർത്ത കേസിൽ ക‍ഴിഞ്ഞ ദിവസം ഐഎന്‍ടിയുസി നേതാവ് പി ജി ജോസഫിനെ പോലിസ് അറസ്റ്റ് ചെയ്തിരുന്നു.  ഇതിനു പുറമേ മുൻ മേയർ ടോണി ചമ്മണി ഉൾപ്പടെ 6 പേരാണ് ഇനി പിടിയിലാകാനുള്ളത്.

ജാമ്യമില്ലാ വകുപ്പ് പ്രകാരം കേസ് രജിസ്റ്റര്‍ ചെയ്തതിനു പിന്നാലെ ടോണി ചെമ്മണി ഉള്‍പ്പടെയുള്ള പ്രതികള്‍ ഒളിവില്‍ പോയിരുന്നു. ഇവരുടെ അറസ്റ്റും വൈകാതെ ഉണ്ടായേക്കുമെന്നാണ് സൂചന. അതേസമയം അനുവാദമില്ലാതെ റോഡുപരോധിച്ച സംഭവത്തില്‍ 15 കോണ്‍ഗ്രസ് നേതാക്കള്‍ക്കെതിരെയും കണ്ടാലറിയാവുന്ന 50 പേര്‍ക്കെതിരെയും പോലിസ് കേസ് രജിസ്റ്റര്‍ ചെയ്തിരുന്നു. ഇവര്‍ക്കെതിരെയും കടുത്ത നടപടികളുണ്ടാകും.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here
ksfe-diamond
bhima-jewel

Latest News