രുചി ഇഷ്ടമില്ലാത്തതുകൊണ്ട് പലരും ഭക്ഷണത്തില്‍ നിന്നും എടുത്തു കളയുന്ന ഒന്നാണ് കറിവേപ്പില. എന്നാൽ ഈ കുഞ്ഞനിലയ്ക്ക് അനവധി ഔഷധഗുണങ്ങളുണ്ട്. മിക്ക കറികളിലും ചേർക്കുന്ന ഒന്നാണ് കറിവേപ്പില. കറിവേപ്പിലക്ക് പല അസുഖങ്ങളും പരിഹരിക്കാന്‍ സാധിക്കുമെന്ന് പഠനങ്ങള്‍ തെളിയിച്ചിട്ടുമുണ്ട്. അയണ്‍, ഫോളിക് ആസിഡ്, കാല്‍സ്യം പോലുള്ള ധാരാളം പോഷകങ്ങൾ കറിവേപ്പിലയിൽ അടങ്ങിയിട്ടുണ്ട്.
കറിവേപ്പിലയുടെ ചില ഗുണങ്ങളിതാ
ശരീരത്തിലുണ്ടാകുന്ന ഓക്‌സിഡേറ്റീവ് സ്‌ട്രെസ് കുറയ്ക്കാന്‍ മികച്ചതാണ് കറിവേപ്പില. മാത്രമല്ല രോഗ പ്രതിരോധശേഷി വർദ്ധിപ്പിക്കാനും കാൻസർ സാധ്യത കുറയ്ക്കാനുമെല്ലാം കറിവേപ്പിലയ്ക്ക് കഴിയും.
കറിവേപ്പിലയിട്ട് തളിപ്പിച്ച വെള്ളം കുടിക്കുന്നത് ചർമ്മത്തെ സംരക്ഷിക്കാനും ഫലപ്രദമാണ്. കറിവേപ്പിലയിൽ വിറ്റാമിൻ സി, ഇ എന്നിവ അടങ്ങിയിട്ടുണ്ട്. മാത്രമല്ല ഇതിലെ ആന്റി ഓക്സിഡന്റും ആന്റിസെപ്റ്റിക് ഗുണങ്ങളും മുഖക്കുരു തടയാൻ സഹായിക്കുന്നു.
കറിവേപ്പില ഉണക്കി പൊടിച്ച് ഒരു കുപ്പിയിലാക്കി വയ്ക്കുക. ദിവസവും ഇത് ഒരു നുള്ള് കഴിക്കുന്നത് ഹൃദയ സംബന്ധമായ അസുഖങ്ങൾ അകറ്റാൻ ഫലപ്രദമാണെന്നും അവർ പറയുന്നു. കറിവേപ്പില മോരില്‍ ചേർത്ത് കഴിക്കുകയോ നാലോ അഞ്ചോ ഇലകൾ ചവച്ചരച്ച് കഴിക്കുകയോ ചെയ്യുന്നത് വയറിന്റെ ആരോഗ്യത്തിനും വിര ശല്യം കുറയ്ക്കാനും നല്ലതാണ്.
വയറിന്റെ എല്ലാഅസ്വസ്തതകള്‍ക്കും കറുവേപ്പില മികച്ച ഒരു പ്രതിവിധിയാണ്. ദഹന ശക്തി വര്‍ദ്ധിപ്പിക്കാനും, ഉദര രോഗങ്ങള്‍ ശമിപ്പിക്കുവാനും കറിവേപ്പില അത്യുത്തമമാണ്. ആസ്ത്മ രോഗികള്‍ ഒരു തണ്ടു കറിവേപ്പിലയും അല്‍പ്പം പച്ചമഞ്ഞളും നന്നായി അരച്ച് നെല്ലിക്കാ വലിപ്പത്തില്‍ നിത്യേന കഴിക്കുന്നത് രോഗം ശമിക്കുവാന്‍ സഹായിക്കും.
കറിവേപ്പില അരച്ച് പുളിച്ച മോരില്‍ കവിള്‍കൊള്ളുന്നത് വായ്പുണ്ണിനെ ശമിപ്പിക്കും.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
