അസമില് സിമന്റ് ട്രക്കും ഓട്ടോറിക്ഷയും കൂട്ടിയിടിച്ച് 10 പേര് മരിച്ചു. മരിച്ചവരില് നാല് സ്ത്രീകളും രണ്ട് കുട്ടികളും ഉള്പ്പെടുന്നു. അസമിലെ കരിംഗഞ്ച് ജില്ലയിലാണ് സംഭവം.
ഛാഠ് പൂജ കഴിഞ്ഞ് മടങ്ങിയവരാണ് അപകടകത്തില്പ്പെട്ടത്. കരിംഗഞ്ച് ജില്ലയിലെ പതാര്കണ്ടിയില് അസം ത്രിപുര ഹൈവേയിലാണ് അപകടമുണ്ടായത്. ഓട്ടോറിക്ഷയിലുണ്ടായിരുന്ന ഒന്പത് പേര് സംഭവ സ്ഥലത്തുവെച്ചും ഒരാള് ആശുപത്രിയില് വെച്ചുമാണ് മരിച്ചത്.
അപകടം നടന്നയുടന് ട്രക്ക് ഡ്രൈവര് സംഭവസ്ഥലത്തുനിന്ന് രക്ഷപ്പെട്ടു. ഇയാള്ക്കായി തിരച്ചില് ശക്തമാക്കിയതായി പോലീസ് വ്യക്തമാക്കി. ട്രക്ക് ഡ്രൈവറെ ഉടന് അറസ്റ്റ് ചെയ്യണമെന്നാവശ്യപ്പെട്ട് പ്രദേശവാസികള് റോഡ് ഉപരോധിച്ചു.
മുഖ്യമന്ത്രി ഹിമന്ദ ബിശ്വ ശര്മ സംഭവത്തില് അനുശോചനം രേഖപ്പെടുത്തി. മരണപ്പെട്ടവരുടെ കുടുംബാംഗങ്ങള്ക്ക് സര്ക്കാര് ഒരു ലക്ഷം രൂപവീതം നഷ്ടപരിഹാരം പ്രഖ്യാപിച്ചു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here