കേന്ദ്രസര്ക്കാരിന് കൊവിഡ് കൈകാര്യം ചെയ്യുന്നതില് വീഴ്ച പറ്റിയെന്ന് ചൂണ്ടിക്കാട്ടിയ മദ്രാസ് ഹൈക്കോടതി ചീഫ്ജസ്റ്റിസ് സഞ്ജിബ് ബാനര്ജിയെ സ്ഥലം മാറ്റിയ സംഭവത്തില് പ്രതിഷേധം ശക്തമാകുന്നു. മേഘാലയ ഹൈക്കോടതിയിലേക്കാണ് അദ്ദേഹത്തെ സ്ഥലം മാറ്റിയത്.
സുപ്രീംകോടതി ചീഫ് ജസ്റ്റിസ് ഉള്പ്പെടെയുള്ള കൊളീജിയം അംഗങ്ങള്ക്ക് തീരുമാനം പുന:പരിശോധിക്കണമെന്നാവശ്യപ്പെട്ട് അഭിഭാഷകര് കത്തയച്ചു. ഭയമോ, പക്ഷഭേദമോ ഇല്ലാതെ പ്രവര്ത്തിച്ചതിന് ജസ്റ്റിസ് ബാനര്ജിക്ക് നല്കിയ ശിക്ഷയാണ് സ്ഥലം മാറ്റമെന്ന് കത്തില് പറയുന്നു.
ഈ വര്ഷം ജനുവരിയിലാണ് കൊല്ക്കത്ത ഹൈക്കോടതിയിലെ ജസ്റ്റിസ് സഞ്ജിബ് ബാനര്ജിയെ മദ്രാസ് ഹൈക്കോടതി ചീഫ്ജസ്റ്റിസായി നിയമിച്ചത്. എട്ട് മാസങ്ങള്ക്ക് ശേഷം സെപ്റ്റംബര് പതിനാറിന് ജസ്റ്റിസ് ബാനര്ജിയെ മേഘാലയ ഹൈക്കോടതിയിലേക്ക് സ്ഥലം മാറ്റാന് സുപ്രീംകോടതി ചീഫ്ജസ്റ്റിസ് എന്.വി. രമണയുടെ നേതൃത്വത്തിലുള്ള കൊളീജിയം തീരുമാനിച്ചു. എന്നാല് കഴിഞ്ഞ ദിവസമാണ് ഇക്കാര്യം പുറത്തുവരുന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here