ഇന്ത്യൻ സൂപ്പർലീഗ് ( ഐ എസ് എൽ) എട്ടാം സീസണിന് തയ്യാറെടുക്കുന്ന ചെന്നൈയിൻ എഫ്സിയുടെ സ്ക്വാഡ് പ്രഖ്യാപിച്ചു. ആറ് വിദേശതാരങ്ങളടങ്ങുന്ന 30 അംഗ സ്ക്വാഡിനെയാണ് പരിശീലകൻ ബോസി‍ഡർ ബാൻഡോവിച്ച് തിരഞ്ഞെടുത്തത്.
വരുന്ന ചൊവ്വാഴ്ച (23.11.2021) ഹൈദരാബാദിനെതിരെയാണ് ചെന്നൈയിന്റെ ആദ്യ മത്സരം.
പോളണ്ടിന്റെ ലൂക്കാസ് ഗീക്കിവാസ്, ഏരിയൽ ബോറിസിയൂക്ക്, ബ്രസീലിന്റെ റാഫേൽ ക്രിവെല്ലെറോ, ഹംഗറിയുടെ വ്ലാഡിമിർ കോമാൻ, മോണ്ടിനെഗ്രോയുടെ സ്ലാവ്കോ ഡാംജനോവിച്ച്, കിർഗസ്ഥാന്റെ മിർലാൻ മുർസയേവ് എന്നിവരാണ് സ്ക്വാഡിലെ വിദേശികൾ.
ഇന്ത്യൻ മധ്യനിര താരം അനിരുദ്ധ് ഥാപയെ കഴിഞ്ഞ ദിവസം ക്ലബ് ക്യാപ്റ്റനായി പ്രഖ്യാപിച്ചിരുന്നു. മലയാളി സൂപ്പർതാരം ജോബി ജസ്റ്റിനും ഇക്കുറി ചെന്നൈയിന്റെ ഭാഗമാണ്.
വിശാൽ കെയ്ത്ത്, ദേബ്ജിത് മജുംദാർ, സലാം രഞ്ജൻ സിങ്, നാരായൺ ദാസ്, ദീപക്ക് ദേവ്റാനി, ലാലിയൻസുല ചാങ്തെ, എഡ്വിൻ വൻസ്പോൾ, ജർമൻപ്രീത് സിങ്,റഹീം അലി, റീഗൻ സിങ് തുടങ്ങിയ പ്രധാന താരങ്ങളെല്ലാം ഇക്കുറി ചെന്നൈ സ്ക്വാ‍ഡിലുണ്ട്. അഭിഷേക് ബച്ചന്റെ ഉടമസ്ഥതയിലാണ് ചെന്നൈയിൻ എഫ്സി.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
