നടന് സൂര്യയ്ക്കെതിരെ പിന്തുണയുമായി സിദ്ധാര്ത്ഥ്. ജയ് ഭീമിനും നടന് സൂര്യയ്ക്കുമെതിരായ വിദ്വേഷ പ്രചരണങ്ങള്ക്കെതിരെയാണ് നടന് സിദ്ധാര്ത്ഥ് രംഗത്തെത്തിയത്. ‘ജയ് ഭീം’ സിനിമയില് വണ്ണിയാര് സമുദായത്തിലുള്ളവരെ മോശമായി ചിത്രീകരിച്ചു എന്നാരോപിച്ചുകൊണ്ട് വണ്ണിയാര് സമുദായത്തിലുള്ളവര് സൂര്യയ്ക്കെതിരെ രംഗത്ത് വന്നിരുന്നു
‘ഞങ്ങള് കമല്ഹാസനൊപ്പം നിന്നു, ഞങ്ങള് വിജയ്ക്കൊപ്പം നിന്നു, ഞങ്ങള് സൂര്യയ്ക്കൊപ്പം നിന്നു. അഭിപ്രായവ്യത്യാസങ്ങളുടെയോ വ്യക്തിവൈരാഗ്യത്തിന്റെയോ പേരില് ഒരു കലാകാരനെ ഭീഷണിപ്പെടുത്തുന്നതും ഒരു കലാസൃഷ്ടിയുടെ പ്രദര്ശനത്തെ തടസപ്പെടുത്തുന്നതും ഭീരുത്വമാണെന്ന് വിശ്വസിക്കുന്ന ആരെയും ഞങ്ങള് പ്രതിനിധീകരിക്കുന്നു,’ സിദ്ധാര്ത്ഥ് പറഞ്ഞു.
.സൂര്യയ്ക്ക് പിന്തുണയറിയിച്ചുകൊണ്ട് നിരവധിപേര് ഇതിനോടകം തന്നെ രംഗത്തു വന്നിരുന്നു. കഴിഞ്ഞ ദിവസങ്ങളില് ഇതുമായി ബന്ധപ്പെട്ട് ട്വിറ്ററടക്കമുള്ള സാമൂഹ്യമാധ്യമങ്ങളില് ഹാഷ്ടാഗ് ക്യാംപെയിനുകളും നടന്നിരുന്നു.
വണ്ണിയാര് സമുദായത്തെ ചിത്രത്തിൽ മോശമായി ചിത്രീകരിക്കുന്നുവെന്നാരോപിച്ച് വണ്ണിയാർ സംഘം നിർമാതാക്കളായ സൂര്യയ്ക്കും ജ്യോതികയ്ക്കും സംവിധായകൻ ടി.ജെ ജ്ഞാനവേലിനും കഴിഞ്ഞ ദിവസം വക്കീല് നോട്ടീസ് അയച്ചിരുന്നു.
സിനിമ വണ്ണിയാര് സമുദായത്തിന്റെ യശ്ശസിന് മങ്ങലേല്പ്പിച്ചതായി പരാതിയില് പറയുന്നു.സുര്യയ്കക്കും ജയ് ഭീം അണിയറ പ്രവര്ത്തകര്ക്കുമെതിരായ ആക്രമണത്തില് പിന്തുണയുമായി ചലച്ചിത്ര പ്രവര്ത്തകര് രംഗത്തുവന്നിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here