ചിലർക്ക് സമയം കിട്ടാതെ വരുന്നത് മൂലം അധികം കറികളൊന്നും ഉച്ചഭക്ഷണത്തിനൊപ്പം തയാറാക്കാൻ കഴിഞ്ഞെന്നുവരില്ല. അപ്പോൾ എളുപ്പത്തിനൊരു വിഭവം തയാറാക്കി നോക്കിയാലോ?
എങ്കിൽ പപ്പട തോരൻ നമുക്കൊന്ന് പരീക്ഷിക്കാം. പപ്പടം എന്നും വറുത്താണല്ലോ ഉപയോഗിക്കുന്നത്. പപ്പടം തോരനാക്കി കഴിച്ചു നോക്കൂ. അടിപൊളിയാണ് ഈ വിഭവം. എങ്ങനെയാണ് പപ്പട തോരൻ തയ്യാറാക്കുന്നതെന്ന് നോക്കാം
വേണ്ട ചേരുവകള്
പപ്പടം – 15
തേങ്ങ ചിരകിയത് – 1 കപ്പ്
പച്ചമുളക് – 4
വറ്റല് മുളക് – 2
ചുവന്നുള്ളി – (കടുക് താളിക്കുന്നതിനായി നന്നായി അരിഞ്ഞത്)
വെളിച്ചെണ്ണ – 1/4 കപ്പ്
കടുക് – 1/2 ടീസ്പൂൺ
കറിവേപ്പില
ഉപ്പ്
തയാറാക്കുന്ന വിധം
ചിരകിയ തേങ്ങ, പച്ചമുളക് , കറിവേപ്പില, ചുവന്നുള്ളി എന്നിവ ഒരു മിക്സിയിലിട്ട് ചതച്ചെടുക്കുക. പപ്പടം സാധാരണ ചെയ്യുന്നതു പോലെ ചെറുതായി വറുത്തെടുത്ത് പൊടിച്ചെടുക്കുക. ഇതിലേക്ക് ഉപ്പും തേങ്ങ ചതച്ചതും കൂടി ചേര്ത്ത് ഇളക്കണം. കടുക് പൊട്ടുമ്പോള് വറ്റല് മുളകും, ചുവന്നുളളിയും, കറിവേപ്പിലയും ചേര്ക്കുക. ഇതിലേക്ക് പപ്പടം – തേങ്ങ മിശ്രിതം ചേര്ത്ത് നന്നായി ഇളക്കുക. ചെറുതീയിലായിരിക്കണം എല്ലാം വേവിക്കേണ്ടത്. നല്ല ടേസ്റ്റുള്ള പപ്പട തോരൻ റെഡി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here