സന്തോഷ്‌ ട്രോഫി ഫൈനൽ റൗണ്ട്‌ മത്സരം ഫെബ്രുവരി അവസാനവാരം മഞ്ചേരി പയ്യനാട്‌ സ്‌റ്റേഡിയത്തിൽ നടക്കുമെന്ന്‌ മന്ത്രി വി അബ്ദുറഹിമാന്. മലപ്പുറത്ത്‌ വാർത്താലേഖകരോട്‌ സംസാരിക്കുകയായിരുന്നു മന്ത്രി.
മഞ്ചേരിയിൽ ഒരുക്കങ്ങളെല്ലാം അതിവേഗം നടക്കുകയാണ്‌. അറ്റകുറ്റപ്പണികൾ പുരോഗമിക്കുന്നു. കൂടുതൽ ലൈറ്റുകൾ സ്ഥാപിക്കുന്നതിനായി 80 ലക്ഷം അനുവദിച്ചു. സന്തോഷ്‌ ട്രോഫി സോണൽ മത്സരം ഉടൻ എറണാകുളത്ത്‌ ആരംഭിക്കും. ഫെഡറേഷൻ കപ്പിന്‌ വേദിയാകാനും കേരളം ശ്രമിക്കുന്നുണ്ട്‌.
സംസ്ഥാനത്ത്‌ ഫുട്‌ബോൾ രംഗം സജീവമാക്കുന്നതിനായി അഖിലേന്ത്യാ ഫുട്‌ബോൾ ഫെഡറേഷനുമായി ധാരണാപത്രം ഒപ്പുവച്ചു. 28 മുതൽ ദേശീയ വനിതാ ഫുട്‌ബോൾ ചാമ്പ്യൻഷിപ്പ്‌ കേരളത്തിൽ നടക്കും.
അഞ്ച്‌ ലക്ഷം കുട്ടികൾക്ക്‌ ഫുട്‌ബോൾ പരിശീലനം നൽകും. അതിന്റെ ഭാഗമായി ‘ടെൺ മില്യൺ ഗോൾസ്‌’ പദ്ധതി നടപ്പാക്കും. പഞ്ചായത്തുകളിലും കളിക്കളം നിർമിക്കും. ജനുവരിയിൽ 100 പഞ്ചായത്തുകളിൽ സ്‌റ്റേഡിയം നിർമിക്കാൻ നടപടിയായെന്നും മന്ത്രി അബ്ദുറഹിമാന് പറഞ്ഞു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
