കേരള പൊലീസിന് വീണ്ടും പൊൻ തിളക്കം; മികച്ച പൊലീസ് സേവനങ്ങൾക്ക് കേരളം മുന്നിൽ തന്നെ

പൊതുജനങ്ങൾക്ക് സംതൃപ്തകരമായ പൊലീസ് സേവനം നൽകുന്നതിൽ കേരള പൊലീസിന് വീണ്ടും ദേശീയ തലത്തിൽ പ്രശംസ.

ഡൽഹി ആസ്ഥാനമായി പ്രവർത്തിക്കുന്ന ദി ഇന്ത്യൻ പൊലീസ് ഫൗണ്ടേഷൻ (IPF) പുറത്തിറക്കിയ സർവ്വെയിലാണ് ആന്ധ്രാ ( സ്മാർട്ട് ഇൻഡക്സ് സ്കോർ- 8.11), തെലുങ്കാന ( സ്മാർട്ട് ഇൻഡക്സ് സ്കോർ- 8.10), ആസാം ( സ്മാർട്ട് ഇൻഡക്സ് സ്കോർ- 7.89), കേരളം ( സ്മാർട്ട് ഇൻഡക്സ് സ്കോർ- 7.53), സിക്കിം ( സ്മാർട്ട് ഇൻഡക്സ് സ്കോർ- 7.18),എന്നീ സംസ്ഥാനങ്ങൾ ആദ്യ അഞ്ച് സ്ഥാനങ്ങളിൽ ഇടം നേടിയത്. പഞ്ചാബ് (6.07), ജാർഖണ്ഡ് (6.07), ഛത്തീസ്​ഗഡ്(5.93), ഉത്തർപ്രദേശ് (5.81), ബീഹാർ (5.74) എന്നിവയാണ് സൂചികയിലെ അവസാന അഞ്ച് സ്ഥാനത്തുള്ള സംസ്ഥാനങ്ങൾ.

സംസ്ഥാനങ്ങളിലെ പൊതു ജനങ്ങൾക്കിടയിൽ നടത്തിയ സർവ്വെയിൽ നിന്നുള്ള കണ്ടെത്തലാണിത്. പൊലീസിന്റെ പ്രവർത്തനം, മികച്ച രീതിയിലുള്ള പെരുമാറ്റം, വേ​ഗത്തിലുള്ള ഇടപെടൽ, സഹായിക്കുകയും സൗഹൃദത്തിലുള്ള പെരുമാറ്റം, സാങ്കേതിക വിദ്യയിലൂന്നിയുള്ള പ്രവർത്തനം, അഴിമതി രഹിത പ്രവർത്തനം, മികച്ച രീതിയിലുള്ള ക്രമസമാധാന പാലനം എന്നിവയെ അടിസ്ഥാനമാക്കിയാണ് റാങ്കുകൾ നിശ്ചിയിച്ചിരുന്നത്. ഇവയിൽ എല്ലാ മേഖലയിലും കേരള പൊലീസിന് മുന്നേറാൻ ആയി. ആന്ധ്രാ , തെലുങ്കാന, കേരളം, ആസം തുടങ്ങിയ സംസ്ഥാനങ്ങളിലെ ജനങ്ങൾ പൊലീസിൽ നല്ല വിശ്വാസം പ്രകടിപ്പിച്ചുവെന്നും റിപ്പോർട്ടിൽ പറയുന്നു.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.