സ്വർണ്ണക്കടത്തുമായി ബന്ധപ്പെട്ട കള്ളപ്പണം വെളുപ്പിക്കൽ കേസിലെ ജാമ്യവ്യവസ്ഥയിൽ ഇളവ് തേടി സ്വപ്ന സുരേഷ് നൽകിയ ഹർജിയിൽ എറണാകുളം പ്രിൻസിപ്പൽ സെഷൻസ് കോടതി നാളെ വിധി പറയും.
ഇന്ന് കേസ് പരിഗണിച്ച ശേഷം വിധി പറയുന്നതിനായി നാളത്തേക്ക് മാറ്റുകയായിരുന്നു. ഇ ഡി രജിസ്റ്റർ ചെയ്ത കേസിൽ എറണാകുളം ജില്ല വിട്ടു പോകരുതെന്ന വ്യവസ്ഥയോടെയായിരുന്നു സ്വപ്നക്ക് കോടതി ജാമ്യം അനുവദിച്ചത്.
സ്വന്തം വീട് തിരുവനന്തപുരത്തായതിനാൽ ഈ വ്യവസ്ഥയിൽ ഇളവ് വേണമെന്നാണ് സ്വപ്നയുടെ ആവശ്യം. സ്വപ്നയുടെ ആവശ്യത്തെ ഇ ഡി എതിർത്തില്ല.
കേരളം വിട്ടു പോകരുതെന്ന വ്യവസ്ഥ നിലനിർത്തി ഇളവ് നൽകാമെന്നാണ് ഇ ഡി യുടെ നിലപാട്. ഈ സാഹചര്യത്തിൽ സ്വപ്നക്ക് ജാമ്യവ്യവസ്ഥയിൽ ഇളവ് ലഭിക്കുമെന്നാണ് പ്രതീക്ഷ.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here