ന്യൂസിലൻഡിനെതിരായ ഒന്നാം ക്രിക്കറ്റ് ടെസ്റ്റിൽ ഇന്ത്യ ഒന്നാം ഇന്നിംഗ്സിൽ 345 റൺസിന് പുറത്തായി. അരങ്ങേറ്റ ടെസ്റ്റിൽ സെഞ്ചുറി നേടിയ ശ്രേയസ് അയ്യരുടെ ഇന്നിംഗ്സാണ് ഇന്ത്യയ്ക്ക് കരുത്തായത്.
ശ്രേയസ് 105 റൺസ് നേടി. ശുഭ്മാൻ ഗിൽ (52), രവീന്ദ്ര ജഡേജ (50) എന്നിവർ അർധ സെഞ്ചുറി നേടി. ആർ.അശ്വിൻ നേടിയ 38 റൺസാണ് ഇന്ത്യയ്ക്ക് ഭേദപ്പെട്ട സ്കോർ സമ്മാനിച്ചത്.
അരങ്ങേറ്റ ടെസ്റ്റിൽ സെഞ്ചുറി നേടുന്ന 16-ാം ഇന്ത്യൻ താരമാണ് ശ്രേയസ്. 13 ഫോറും രണ്ടു സിക്സും അടങ്ങിയതായിരുന്നു കന്നി സെഞ്ചുറി. കിവീസിനായി പേസർ ടിം സൗത്തി അഞ്ച് വിക്കറ്റ് വീഴ്ത്തി. കെയിൽ ജാമിസൺ മൂന്നും അജാസ് പട്ടേലിന് രണ്ടും വിക്കറ്റുകൾ ലഭിച്ചു.
258/4 എന്ന നിലയിൽ രണ്ടാം ദിനം തുടങ്ങിയ ഇന്ത്യയ്ക്ക് ആറ് റൺസ് കൂടി ചേർത്തപ്പോൾ ജഡേജയെ നഷ്ടമായി. കീപ്പർ വൃദ്ധിമാൻ സാഹ (1) വന്നപോലെ മടങ്ങിയപ്പോൾ ഇന്ത്യ സമ്മർദത്തിലായി. എന്നാൽ അശ്വിനെ കൂട്ടുപിടിച്ച് ശ്രേയസ് ഇന്ത്യയുടെ സ്കോർ 300 കടത്തുകയായിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here