പ്രശസ്ത നൃത്ത സംവിധായകന് ശിവശങ്കര് മാസ്റ്റര്(73) അന്തരിച്ചു. കൊവിഡ് ബാധിച്ച് ചികത്സയില് കഴിയവേ ആയിരുന്നു അന്ത്യം. 1948 ഡിസംബര് 7-നായിരുന്നു ജനനം. തമിഴ്-തെലുങ്ക് സിനിമകളിലൂടെയാണ് ശിവശങ്കര് ശ്രദ്ധേയനായത്. 10 ഇന്ത്യന് ഭാഷകളിലായി എണ്ണൂറോളം സിനിമകള്ക്ക് അദ്ദേഹം നൃത്ത സംവിധാനം ചെയ്തിട്ടുണ്ട്.
ബാഹുബലി, മഗധീര, തിരുടാ തിരുടി തുടങ്ങി ഒട്ടേറെ ശ്രദ്ധേയ ചിത്രങ്ങള്ക്ക് നൃത്ത സംവിധാനം നിര്വഹിച്ചിട്ടുണ്ട്. ദേശീയ പുസ്കാരങ്ങള് ഉള്പ്പെടെ ഒട്ടേറെ അംഗീകാരങ്ങള് അദ്ദേഹത്തെ തേടിയെത്തിയിട്ടുണ്ട്. 2009-ല് എസ്.എസ് രാജമൗലിയുടെ മഗധീര എന്ന ചിത്രത്തിനാണ് മികച്ച നൃത്തസംവിധായകനുള്ള ദേശീയ ചലച്ചിത്രപുരസ്കാരം ലഭിച്ചത്.
സാമ്പത്തിക ബാധ്യതയെ തുടര്ന്ന് ശിവശങ്കറിന്റെ ആശുപത്രി ചെലവുകള് കഴിഞ്ഞ ദിവസം നടന്മാരായ സോനൂ സൂദും ധനുഷും ഏറ്റെടുത്തിരുന്നു. ശിവശങ്കറിന്റെ ഭാര്യയ്ക്കും മൂത്തമകനും കൊവിഡ് സ്ഥിരീകരിച്ചിട്ടുണ്ട്. മകന് തീവ്രപരിചരണ വിഭാഗത്തില് ചികില്സയിലാണ്. ഭാര്യ ഹോം ക്വാറന്റീനിലാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here