അധ്യാപകര് വാക്സിന് എടുക്കാത്തത് ഒരു കാരണവശാലും പ്രോത്സാഹിപ്പിക്കാനാകില്ലെന്ന് വിദ്യാഭ്യാസ മന്ത്രി വി ശിവന്കുട്ടി. കുട്ടികളുടെ സുരക്ഷയാണ് സര്ക്കാരിന് വലുത് അതിനാല് അധ്യാപകര് വാക്സിനെടുക്കാത്തത് ഒരു കാരണവശാലും പ്രോത്സാഹിപ്പിക്കാന് കഴിയില്ലെന്ന് മന്ത്രി പറഞ്ഞു.
അതേസമയം, വാക്സിന് സ്വീകരിക്കാത്ത അധ്യാപകരിലും ജീവനക്കാരിലും രോഗങ്ങള്, അലര്ജി മുതലായ ശാരീരിക പ്രശ്നങ്ങള് ഉള്ളവര് സര്ക്കാര് ഡോക്ടറുടെ സര്ട്ടിഫിക്കറ്റ് ഹാജരാക്കണമെന്ന് മുഖ്യമന്ത്രിയുടെ അധ്യക്ഷതയില് ചേര്ന്ന അവലോകന യോഗത്തില് തീരുമാനമായി. അല്ലാത്തവര് വാക്സിന് സ്വീകരിച്ച് ഹാജരാവുകയോ ആഴ്ച തോറും സ്വന്തം ചിലവില് ആര്ടിപിസിആര് പരിശോധന നടത്തി ഫലം സമര്പ്പിക്കുകയോ ചെയ്യണം. സ്കൂളുകളിലും കോളേജുകളിലും പോകുന്ന വിദ്യാര്ത്ഥികളുടെ സുരക്ഷിതത്വം കണക്കിലെടുത്താണിത്.
ഓഫീസുകളിലും പൊതു ജനസമ്പര്ക്കമുള്ള ഇടങ്ങളിലും ജോലി ചെയ്യുന്ന ജീവനക്കാര്ക്കും ഇത് ബാധകമാണ്. ഒമിക്രോണ് കൊവിഡ് വകഭേദത്തിന്റെ പശ്ചാത്തലത്തില് ജാഗ്രത ശക്തിപ്പെടുത്താനും മുഖ്യമന്ത്രി നിര്ദ്ദേശിച്ചു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here