വട്ടയപ്പം ഉണ്ടാക്കാൻ എളുപ്പമാണ് ;കുറച്ച് ചേരുവകകൾ മതി.അരിപ്പൊടി തേങ്ങാ പാൽ പഞ്ചസാര ഇവ മൂന്നുമാണ് പ്രധാന ചേരുവകൾ
- പൊടിച്ച അരിപ്പൊടി – 4 കപ്പ്
- പഞ്ചസാര – ¾ കപ്പ്
- തേങ്ങാപാല്‍ – 1 ½ കപ്പ്
- ചെറുചൂടുവെള്ളം – ½ കപ്പ്
- വെള്ളം – 2 കപ്പ്
- യീസ്റ്റ് – ½ ടീസ്പൂണ്‍
- ഏലയ്ക്ക – 5 എണ്ണം
- വെളുത്തുള്ളി – 1 അല്ലി
- നെയ്യ് – 2 ടീസ്പൂണ്‍
- കശുവണ്ടി – 15 എണ്ണം
- ഉണക്ക മുന്തിരി – 20 എണ്ണം
- ചെറി – 5 എണ്ണം ആവശ്യമെങ്കില്‍
- ഉപ്പ് – ആവശ്യത്തിന്
- അര കപ്പ് വളരെ ചെറുചൂടുവെള്ളത്തില്‍ യീസ്റ്റും ½ ടേബിള്‍സ്പൂണ്‍ പഞ്ചസാരയും യോജിപ്പിച്ച് 30 മിനിറ്റ് നേരം വയ്ക്കുക. (വെള്ളത്തിന്റെ ചൂട് കൂടാതിരിക്കാന്‍ പ്രത്യേകം ശ്രദ്ധിക്കുക).
- ഏലയ്ക്കയും വെളുത്തുള്ളിയും ചതച്ചെടുക്കുക.
- രണ്ട് ടേബിള്‍സ്പൂണ്‍ അരിപ്പൊടി രണ്ട് കപ്പ് വെള്ളത്തില്‍ കലക്കി തുടര്‍ച്ചയായി ഇളക്കി 5 മിനിറ്റ് തിളപ്പിച്ച ശേഷം തണുക്കാന്‍ വയ്ക്കുക.
- തണുത്ത ശേഷം ഈ മിശ്രിതം ബാക്കിയുള്ള അരിപ്പൊടി, യീസ്റ്റ് ചേര്‍ത്ത വെള്ളം, തേങ്ങാപാല്‍, പഞ്ചസാര, ഏലയ്ക്ക, വെളുത്തുള്ളി, ഉപ്പ് എന്നിവയോടൊപ്പം യോജിപ്പിച്ച് നന്നായി അരച്ചെടുക്കുക.
- അരച്ചെടുത്ത മാവ് 8 മണികൂര്‍ നേരം ചൂടുള്ള അന്തരീക്ഷത്തില്‍ പുളിയ്ക്കാന്‍ വയ്ക്കുക.
- ഒരു പരന്ന പാത്രത്തിലോ ഇഡലിത്തട്ടിലോ നെയ്യ് പുരട്ടിയശേഷം വട്ടയപ്പത്തിനുള്ള മാവ് അതില്‍ ഒഴിച്ച് കശുവണ്ടിയും, ഉണക്കമുന്തിരിയും, ചെറിയും (ആവശ്യമെങ്കില്‍) വച്ച് അലങ്കരിക്കുക.
- ഇത് ആവിയില്‍ 20 മിനിറ്റ് നേരം വേവിക്കുക (വെള്ളം നന്നായി തിളച്ചതിനു ശേഷം മാത്രം പാത്രം അടക്കുക).
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
