മുഖ്യമന്ത്രിയുടെ മാധ്യമ ഉപദേഷ്ടാവും കവിയും ഗാനരചയിതാവുമായ പ്രഭാവർമയുടെ ഇംഗ്ലീഷ് നോവൽ ‘ആഫ്റ്റർ ദ ആഫ്റ്റർമാത്’ ഇന്ന് പ്രകാശനം ചെയ്യും.
തിരുവനന്തപുരം പ്രസ്ക്ലബിൽ ഇന്ന് വൈകിട്ട് നാല് മണിക്കാണ് പുസ്തക പ്രകാശനം നടക്കുക. ശശിതരൂർ എം പി പ്രകാശനം ചെയ്യുന്ന പുസ്തകം പ്രശസ്ത സംവിധായകൻ ശ്രീ അടൂർ ഗോപാലകൃഷ്ണൻ ഏറ്റുവാങ്ങും.
കലയും അധികാരവും തമ്മിലുള്ള സംഘർഷ സമസ്യകളാണ് പ്രമേയം. റഷ്യൻ കവിയും യുവ വിപ്ലവകാരിയുമായിരുന്ന ഇവാൻ കാല്യേവിന്റെ ജീവിതം ആധാരമാക്കിയാണ് നോവൽ. സോഷ്യലിസ്റ്റ് റവല്യൂഷണറി പാർടി അംഗമായിരുന്നു കാല്യേവ്. 1949ൽ അൽബേർ കാമു ‘ജസ്റ്റ് അസാസിൻസ്’ എന്ന നാടകത്തിൽ കാല്യേവിന്റെ വിപ്ലവ ജീവിതത്തെ ഇതിവൃത്തമാക്കിയിരുന്നു. കാമുവിന്റേതിൽനിന്ന് വ്യത്യസ്തമായി കാല്യേവിന്റെ സ്വത്വാന്വേഷണത്തിന്റെയും ആത്മസംഘർഷത്തിന്റെയും വഴികളാണ് ‘ആഫ്റ്റർ ദ ആഫ്റ്റർമാത്’. ഡൽഹിയിലെ ഇൻഡസ് പബ്ലിഷേഴ്സാണ് പ്രസാധകർ.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here