പ്രശസ്ത വന്യജീവി സംരക്ഷകൻ സുനീഷ് സുബ്രമണ്യൻ കുഞ്ചുവിന് ‘പില്ലർ ഓഫ് ഡെമോക്രസി അവാർഡ്’ ലഭിച്ചു. കഴിഞ്ഞ ദിവസം രാജ്ഭവനിൽ നടന്ന ചടങ്ങിലാണ് മുതിർന്ന മാധ്യമപ്രവർത്തക ഡോ. വൈദേഹി തമന്റെ സാന്നിധ്യത്തിൽ മഹാരാഷ്ട്ര ഗവർണർ ഭഗത് സിംഗ് കോഷ്യാര നൽകി ആദരിച്ചത്.
എൻജിഒ പ്ലാന്റ് & അനിമൽസ് വെൽഫെയർ സൊസൈറ്റി – മുംബൈ (പി എ ഡബ്ല്യു എസ് – മുംബൈ), അമ്മ കെയർ ഫൗണ്ടേഷൻ (എ സി എഫ്) എന്നിവയുടെ സ്ഥാപകനായ സുനീഷ് ഒരു മൃഗസ്നേഹിയും പരിസ്ഥിതി സുഹൃത്തുമാണ്.
മുംബൈയിലും പരിസരങ്ങളിലുമുള്ള സസ്യജന്തുജാലങ്ങളുടെ സംരക്ഷണത്തിനായി കഴിഞ്ഞ 25 വർഷത്തിലേറെയായി ഈ മലയാളി യുവാവ് ജീവിതം സമർപ്പിച്ചിരിക്കുകയാണ്.
മഹാരാഷ്ട്ര ഗവൺമെന്റ്, ഫോറസ്റ്റ് ഡിപ്പാർട്ട്മെന്റ് ഓണററി വൈൽഡ് ലൈഫ് വാർഡൻ, ഇന്ത്യാ ഗവൺമെന്റ്, അനിമൽ വെൽഫെയർ ബോർഡ് ഓഫ് ഇന്ത്യ, ഓണററി ഡിസ്ട്രിക്ട് ആനിമൽ വെൽഫെയർ ഓഫീസർ, ഇന്ത്യാ ഗവൺമെന്റ് വൈൽഡ് ലൈഫ് ക്രൈം കൺട്രോൾ ബ്യൂറോ വോളന്റിയർ എന്നീ തസ്ഥികകൾ സുനീഷ് അലങ്കരിക്കുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
Get real time update about this post categories directly on your device, subscribe now.
