സംയുക്ത സൈനിക മേധാവി ജനറല് ബിപിന് റാവത്തിന് ആദരമര്പ്പിച്ച് രാജ്യം. ഡല്ഹിയിലെ വസതിയില് നിന്ന് വിലാപയാത്ര ആരംഭിച്ചു. സംസ്കാരം വൈകീട്ട് 4.45 ന് ഡല്ഹി ബ്രാര് സ്ക്വയര് ശ്മശാനത്തില് നടക്കും. ആഭ്യന്തര മന്ത്രി അമിത്ഷാ ഉള്പ്പെടെയുള്ളവര് ആദരാഞ്ജലി അര്പ്പിച്ചു.
അതേസമയം, കൂനൂരില് സൈനിക ഹെലികോപ്റ്റര് അപകടത്തില് ജീവന് നഷ്ടമായ മലയാളി വ്യോമസേന വാറന്റ് ഓഫീസര് എ. പ്രദീപിന്റെ മൃതദേഹം നാട്ടിലെത്തിക്കുന്നത് വൈകിയേക്കും.
മൃതദേഹം കൊണ്ടുവരുന്നതിന് ഒരുദിവസം മുന്പ് അറിയിക്കാമെന്നാണ് പറഞ്ഞതെന്നും സഹോദരന് വ്യക്തമാക്കി. മൃതദേഹം വിമാന മാര്ഗം കൊച്ചിയിലെത്തിച്ച് റോഡ് മാര്ഗം തൃശൂരിലെത്തിക്കുമെന്നാണ് വിവരം.
ഇതിനിടെ കൂനൂരിലെ സൈനിക ഹെലികോപ്റ്റര് അപകടത്തില് സംയുക്ത സേന അന്വേഷണം ആരംഭിച്ചു. അന്വേഷണത്തലവന് എയര് മാര്ഷല് മാനവേന്ദ്ര സിംഗും സംഘവും അപകട സ്ഥലത്തെത്തി വിവരങ്ങള് ശേഖരിച്ചു. ഹെലികോപ്റ്ററിന്റെ ഡാറ്റാ റെക്കോഡര് എ എ ഐബി ടീം പരിശോധിക്കുകയാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here