പോത്തന്കോട് കല്ലൂര് സ്വദേശി സുധീഷിനെ ഒരു സംഘം ഇരു കാലുകളും വെട്ടിയെടുത്ത് കൊലപ്പെടുത്തിയ സംഭവത്തില് ഒരാള് കസ്റ്റഡിയില്. കഴിഞ്ഞദിവസം കല്ലൂരില് ചെമ്പകമംഗലം ലക്ഷംവീട് കോളനിയില് സുധീഷിനെയാണ് വെട്ടിക്കൊലപ്പെടുത്തിയത്.
ഓട്ടോറിക്ഷയിലും ബൈക്കിലുമായെത്തിയ സംഘം നാടന് ബോംബ് എറിഞ്ഞ് ഭീകരാന്തരീക്ഷം സൃഷ്ടിച്ച ശേഷമാണ് അക്രമം നടത്തിയത്. അക്രമികള കണ്ട് വീട്ടിലേക്ക് ഓടിക്കയറിയ സുധീഷിനെ സംഘം പിന്തുടര്ന്ന് അക്രമിക്കുകയും ഇരുകാലുകളും വെട്ടിയെടുക്കയും ചെയ്തു.
ശേഷം ഒരു കാല് ബൈക്കില് കൊണ്ടുപോയി അര കിലോമീറ്റര് അകലെ റോഡിലേക്ക് വലിച്ചെറിഞ്ഞു. ബൈക്കിലും ഓട്ടോയിലുമായി എത്തിയ 12 ഓളം പേരടങ്ങിയ സംഘമാണ് കാല് വെട്ടിയെടുത്തത്.പരിസരവാസികളെ വാളും മഴുവുമടങ്ങുന്ന ആയുധങ്ങള് കാട്ടി ഭീഷണിപ്പെടുത്തിയതിന് ശേഷമാണ് സുധീഷിനെ വീട്ടില് കയറി വെട്ടിയത്.
ആശുപത്രിയിലേക്ക് കൊണ്ട് പോകും വഴി സുധീഷ് മരിച്ചു.ഗുണ്ടാ പകയെന്നാണ് പോലീസിന്റെ നിഗമനം മംഗലപുരം ആറ്റിങ്ങല് സ്റ്റേഷനുകളില് വധശ്രമം, അടിപിടി കേസുകളില് പ്രതിയാണ് സുധീഷ്.
കുപ്രസിദ്ധ ഗുണ്ട ഒട്ടകം രാജേഷും സംഘവുമാണ് വെട്ടിയത് എന്ന് ആശുപത്രിയില് പോകുന്ന വഴി മദ്ധ്യേ സുധീഷ് പോലീസിനോടു പറഞ്ഞു.ഡി ഐ ജി സഞ്ജയ് കുമാര് ഗുരുദിന്,റൂറല് എസ് പി പി കെ മധു എന്നിവര് സംഭവ സ്ഥലത്തെത്തി പരിശോധന നടത്തി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here