ഭര്തൃവീട്ടില് യുവതി ജീവനൊടുക്കിയ സംഭവത്തില് ഭര്ത്താവിന്റെ സുഹൃത്ത് അറസ്റ്റില്. തൃശൂര് തിരുവമ്പാടി ശാന്തിനഗര് ശ്രീനന്ദനത്തില് നവീന് ആണ് അറസ്റ്റിലായത്. സംഭവം നടന്ന് ഒരു വര്ഷത്തിന് ശേഷമാണ് അറസ്റ്റ്.
2020 സെപ്റ്റംബറിലാണ് ഷോറണൂര് റോഡിന് സമീപത്തെ ഭര്ത്താവിന്റെ വീട്ടിലെ കിടപ്പുമുറിയില് യുവതി ജീവനൊടുക്കിയത്. യുവതിയുടെ ഭര്ത്താവിന്റെ അടുത്ത സുഹൃത്ത് നവീന്റെ മാനസികവും ശാരീരികവുമായ പീഡനത്തെ തുടര്ന്നാണ് ആത്മഹത്യയെന്ന് ബന്ധുക്കള് ആരോപിച്ചിരുന്നു. ഭര്ത്താവും നവീനും വീട്ടില് ഒരുമിച്ച് മദ്യപിക്കാറുണ്ടായിരുന്നെന്നും ബന്ധുക്കള് പരാതിയില് പറഞ്ഞിട്ടുണ്ട്.
വീട്ടില് ആരുമില്ലാത്ത സമയത്ത് എത്തിയ നവീന് യുവതിയെ പീഡിപ്പിക്കാന് ശ്രമിച്ചെന്നാണ് പരാതി. നവീനെതിരെ ആത്മഹത്യ കുറിപ്പ് എഴുതി വെച്ച് മാനസിക സംഘര്ഷത്തെ തുടര്ന്ന് യുവതി ജീവനൊടുക്കുകയായിരുന്നു.
നവീന്റെ ഇരകളില് ഒരാള് മാത്രമാണ് താനെന്ന് ഡയറിയില് എഴുതി വെച്ചായിരുന്നു ആത്മഹത്യ. നവീന്റെ ആദ്യഭാര്യ ജീവനൊടുക്കുകയും രണ്ടാം ഭാര്യ വിവാഹ മോചനം നേടുകയും ചെയ്തതായി പൊലീസ് പറഞ്ഞു. പരാതി നല്കിയെങ്കിലും പൊലീസ് നടപടിയെടുത്തില്ലെന്നും ഹൈക്കോടതി ഇടപെടലിനെ തുടര്ന്നാണ് ഒരു വര്ഷത്തിന് ശേഷം അറസ്റ്റുണ്ടായതെന്നും കുടുംബം ആരോപിച്ചു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here