എന്നും ഒരേ റെസിപ്പി ഉണ്ടാക്കാതെ വെറൈറ്റി പരീക്ഷിക്കാറുണ്ട് നാം. വെറൈറ്റി ഭക്ഷണങ്ങൾ ക്ലിക്ക് ആയാൽ മനസും നിറയും വയറും നിറയും, അല്ലേ? എങ്കിൽ ഇത്തവണ പനീർ കൊണ്ട് പാൻ കേക്ക് ഉണ്ടാക്കിയാലോ…? വളരെ കുറച്ച് ചേരുവകൾ കൊണ്ട് കുട്ടികൾക്ക് ഇഷ്ടമാകുന്ന ഈ പാൻ കേക്ക് എളുപ്പത്തിൽ തയാറാക്കാവുന്ന ഒന്നാണ്.
വേണ്ട ചേരുവകൾ
1. പനീർ 200 gm (ഗ്രേറ്റ് ചെയ്തത് )
ഗോതമ്പ് മാവ് ഒരു കപ്പ്
വെണ്ണ ഒരു ടേബിൾ സ്പൂൺ
2. പാൽ ഒരു കപ്പ്
മുട്ട 1 എണ്ണം
പഞ്ചസാര രണ്ട് ടേബിൾസ്പൂൺ
വാനില എസ്സെൻസ് കാൽ ടീസ്പൂൺ
തയ്യാറാക്കുന്ന വിധം
ഒന്നാമത്തെ ചേരുവ ഒരു ബൗളിലാക്കി നന്നായി യോജിപ്പിച്ചു വയ്ക്കുക. അതിലേക്ക് രണ്ടാമത്തെ ചേരുവകൾ ചേർത്ത് അടിച്ചു നല്ല മയമുള്ള മാവ് തയ്യാറാക്കണം.ഒരു നോൺ – സ്റ്റിക്ക് പാൻ ചൂടാക്കി മാവ് ഒഴിച്ചു പരത്തി പാൻ കേക്കുകൾ ചുട്ടെടുക്കുക. പാൻ കേക്കിനു മീതെ തേൻ തൂകി ഉപയോഗിക്കാം. ഒന്ന് രുചിച്ചു നോക്കൂ…
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here