നാല് ആഫ്രിക്കന് രാജ്യങ്ങളില് നിന്നുള്ള യാത്രക്കാര്ക്ക് കൂടി പ്രവേശന വിലക്കേര്പ്പെടുത്തി യുഎഇ. കെനിയ, ടാന്സാനിയ, എത്യോപ്യ, നൈജീരിയ എന്നീ രാജ്യങ്ങളിലെ യാത്രക്കാര്ക്കാണ് വിലക്ക് ഏര്പ്പെടുത്തിയത്.
കഴിഞ്ഞ 14 ദിവസത്തിനിടെ ഈ രാജ്യങ്ങള് സന്ദര്ശിച്ച ട്രാന്സിറ്റ് യാത്രക്കാര്ക്കും വിലക്കേര്പ്പെടുത്തിയിട്ടുണ്ട്. ഡിസംബര് 25 ശനിയാഴ്ച രാത്രി 7.30 മുതല് ഈ തീരുമാനം പ്രാബല്യത്തില് വരുമെന്ന് ദേശീയ ദുരന്ത നിവാരണ അതോറിറ്റി അറിയിച്ചു.
അതേസമയം, യുഎഇയില് നിന്ന് ഈ രാജ്യങ്ങളിലേക്കുള്ള വിമാനങ്ങള് ഷെഡ്യൂള് അനുസരിച്ച് സര്വീസ് തുടരും. ജനറല് സിവില് ഏവിയേഷന് അതോറിറ്റിയുമായി കൂടിയാലോചിച്ച് ദേശീയ അടിയന്തര ദുരന്ത നിവാരണ അതോറിറ്റിയാണ് തീരുമാനമെടുത്തത്. ഇതോടെ യുഎഇയില് പ്രവേശന വിലക്ക് ഏര്പ്പെടുത്തിയിട്ടുള്ള ആഫ്രിക്കന് രാജ്യങ്ങളുടെ എണ്ണം 11 ആയി.
ഒമൈക്രോണിന്റെ പശ്ചാത്തലത്തില് നേരത്തെ ദക്ഷിണാഫ്രിക്ക, നമീബിയ, ലെസോതോ, എസ്വാറ്റീനി, സിംബാബ്വെ, ബോട്സ്വാന, മൊസാംബിക് എന്നീ രാജ്യങ്ങളില് നിന്നുള്ള വിമാനങ്ങള്ക്ക് യുഎഇ വിലക്ക് ഏര്പ്പെടുത്തിയിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here