നടിയെ ആക്രമിച്ച കേസിൽ തുടരന്വേഷണത്തിന് സാധ്യത തേടി അന്വേഷണ സംഘം. സംവിധായകൻ ബാലചന്ദ്രകുമാറിൻ്റെ വെളിപ്പെടുത്തലിൻ്റെ അടിസ്ഥാനത്തിലാണ് തുടരന്വേഷണം. തുടരന്വേഷണത്തിന് അനുമതി തേടി പൊലീസ് വിചാരണ ക്കോടതിയിൽ അപേക്ഷ നൽകി. പൾസർ സുനി പകർത്തിയ ദൃശ്യങ്ങൾ ദിലീപ് കണ്ടു.
സാക്ഷികളെ സ്വാധീനിക്കാൻ ശ്രമിച്ചു എന്നിങ്ങനെയായിരുന്നു ബാലചന്ദ്രകുമാറിൻ്റെ വെളിപ്പെടുത്തൽ. കഴിഞ്ഞ ദിവസമാണ് സംവിധായകന് ബാലചന്ദ്രകുമാര് ദിലീപിനെതിരെ കേസില് വെളിപ്പെടുത്തലുകള് നടത്തിയത്. നടിയെ ആക്രമിച്ച കേസില് ജയിലില് കഴിയുന്ന പള്സര് സുനിക്ക് ദിലീപുമായി അടുത്ത ബന്ധമുണ്ടെന്നും ദിലീപിന്റെ വീട്ടില് വെച്ച് താന് പള്സര് സുനിയെ കണ്ടിട്ടുണ്ടെന്നുമായിരുന്നു ബാലചന്ദ്രകുമാര് പറഞ്ഞത്.
നടി ആക്രമിക്കപ്പെട്ട ശേഷം മാധ്യമങ്ങളിലൂടെ പള്സര് സുനിയെ കണ്ടപ്പോള് താന് ദിലീപിനെ വിളിച്ചിരുന്നെന്നും എന്നാല് ഒരു കാരണവശാലും ഈ വിവരം പുറത്തുപറയരുതെന്ന് ദിലീപ് ആവശ്യപ്പെടുകയായിരുന്നെന്നും അദ്ദേഹം പറഞ്ഞിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here