എറണാകുളം വടക്കന് പറവൂരില് വീടിനുളളില് കത്തിക്കരിഞ്ഞ് നിലയില് കണ്ടെത്തിയ വിസ്മയുടെ മരണത്തില് സഹോദരി ജിത്തു പിടിയിൽ. കാക്കനാട് നിന്നാണ് ഇവരെ പിടികൂടിയത്. പ്രാഥമിക ചോദ്യം ചെയ്യലിൽ ജിത്തു കുറ്റം സമ്മതിച്ചതായി പൊലീസ് അറിയിച്ചു.
അതേസമയം, കാണാതായ ജിത്തുവിനായി പൊലീസ് അന്വേഷണം വ്യാപിപ്പിച്ചിരുന്നു. പനോരമ നഗര് അറയ്ക്കപ്പറമ്പില് ശിവാനന്ദന്റെ മകള് വിസ്മയ (25) ആണ് വീട്ടിലുണ്ടായ തീപിടിത്തത്തില് മരിച്ചത്.
എന്നാൽ ജിത്തു കഴിഞ്ഞ കുറച്ചുനാളുകളായി മാനസികാസ്വാസ്ഥ്യത്തിന് ചികിത്സയിലായിരുന്നതായി റിപ്പോര്ട്ടുണ്ട്. ഒരാഴ്ച മുന്പ് ശിവാനന്ദനെ വീട്ടില് പൂട്ടിയിട്ടശേഷം ജിത്തു വീട്ടില്നിന്ന് ഇറങ്ങിപ്പോയതായി പറയപ്പെടുന്നു. വിസ്മയ ബിബിഎയും ജിത്തു ബിഎസ്സിയും പൂര്ത്തിയാക്കിയവരാണ്.
ചൊവ്വാഴ്ച വൈകിട്ട് 3 മണിയോടെയായിരുന്നു അപകടം. ശിവാനന്ദനും ഭാര്യ ജിജിയും പുറത്തുപോയ സമയത്തായിരുന്നു സംഭവം. വീട്ടില്നിന്ന് പുക ഉയരുന്നത് കണ്ട അയല്വാസികളാണ് പൊലീസിനെയും ഫയര്ഫോഴ്സിനെയും വിവരമറിയിച്ചത്. പൊലീസ് എത്തുമ്പോള് വീടിന്റെ ഗേറ്റ് അകത്തുനിന്നു പൂട്ടിയ നിലയിലായിരുന്നു. മുന്വശത്തെ വാതില് തുറന്നു കിടക്കുകയായിരുന്നു. വീടിന്റെ രണ്ട് മുറികള് പൂര്ണമായി കത്തിയിരുന്നു. അതില് ഒന്നില് നിന്നാണ് യുവതിയുടെ മൃതദേഹം കണ്ടെത്തിയത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here