ബാംഗ്ലൂര്‍ മലയാളിയായ വ്യവസായ സംരഭകന്‍ ദിലീപ് മോഹന്‍ എഴുതി കൃഷ്ണ പൂജപ്പുര ആമുഖം എഴുതി മഞ്ജു വാര്യര്‍ പ്രകാശനം ചെയ്ത വിഡ്ഢികളുടെ മാഷ് എന്ന പുസ്തകം സിനിമയാകുന്നു.
ജനുവരി അവസാനത്തോടെ റിലീസ് ചെയ്യാനിരിക്കുന്ന ചിത്രത്തിന് കെ എസ് ചിത്ര , ബിജിബാല്‍ , റഫീഖ് അഹമ്മദ് സംഗീതത്തില്‍ മനോഹരമായ ഒരു ഗാനം ‘ തിരമാലയാണ് നീ ‘ പ്രേക്ഷക ശ്രദ്ധ നേടിയിരുന്നു.
നവാഗതനായ അനീഷ് VA യുടെ സംവിധാനത്തില്‍ ദിലീപ് മോഹന്‍, അഞ്ചലി നായര്‍ , ശാരി എന്നിവരെ പ്രധാന വേഷത്തില്‍ അവതരിപ്പിക്കുന്നു. ദിലീപ് മോഹന്‍ തന്നെ കഥയും തിരക്കഥയും എഴുതിയ ചിത്രത്തില്‍ മണിയന്‍പിള്ള രാജു , അനീഷ് ഗോപാല്‍, തമിഴ് നടന്‍ മനോബാല , മണികണ്ഠന്‍ പട്ടാമ്പി ( മറിമായം) , സുനില്‍ സുഗത , നിര്‍മ്മല്‍ പാലാഴി , രാജേഷ് പറവൂര്‍ എന്നീ സീനിയര്‍ താരങ്ങളും സോഷ്യല്‍ മീഡിയ താരങ്ങളായ അഖില്‍ സി. ജെ, സ്റ്റീവ് , ദിവിന്‍ പ്രഭാകര്‍ , ദിലീപ് പാലക്കാട് , അമേയ തുമ്പി എന്നിവരും അണിനിരക്കുന്നു.
ബിജിബാല്‍ സംഗീതം ഒരുക്കിയിരിക്കുന്ന സിനിമയില്‍ റഫീഖ് അഹമ്മദിന്റെ വരികള്‍ പാടിയിരിക്കുന്നത് കെ എസ് ചിത്രയും , സൂരജ് സന്തോഷുമാണ് . മാഫിയ ശശി സംഘട്ടനം ഒരുക്കിയിരിക്കുന്നു ,ശ്യാം കുമാര്‍ ക്യാമറ കൈകാര്യം ചെയ്തിരിക്കുന്നു.
അധ്യാപകനും വിദ്ധ്യാര്‍ത്ഥികളും തമ്മിലുള്ള കൂടിക്കാഴ്ചകളും സൗഹൃദങ്ങളിലെ ആഴങ്ങളും പങ്കുവെക്കുന്ന ഈ സിനിമ നിങ്ങളിലേക്ക് എത്തിക്കുന്നത് ബാംഗ്ലൂരിലെ പ്രൊഡക്ഷന്‍ ഹൗസായ ബാക്ക് ബെഞ്ചേഴ്‌സ് ഡ്രാമയാണ്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
