ഫുട്ബോൾ സൂപ്പര്താരം ലയണല് മെസ്സിക്ക് കൊവിഡ്-19 സ്ഥിരീകരിച്ചു. മെസ്സിയ്ക്കൊപ്പം പിഎസ്ജിയിലെ (PSG) മറ്റ് മൂന്ന് താരങ്ങള്ക്കും കൊവിഡ് ബാധിച്ചു. മെസ്സിയെകൂടാതെ പ്രതിരോധതാരം യുവാന് ബെര്നാട്, ഗോള്കീപ്പര് സെര്ജിയോ റിക്കോ, മിഡ് ഫീല്ഡര് നഥാന് ബിറ്റുമസാല എന്നീ താരങ്ങള്ക്കാണ് രോഗം സ്ഥിരീകരിച്ചത്. നാല് പേരെയും ഐസൊലേഷനില് പ്രവേശിച്ചു.
ഫ്രഞ്ച് കപ്പില് വാനെസിനെതിരായ മത്സരത്തിന് മുന്പ് നടത്തിയ പരിശോധനയിലാണ് മെസ്സിക്ക് കൊവിഡ് സ്ഥിരീകരിച്ചത്. കൊവിഡ് ബാധിതനായതോടെ മെസ്സിക്ക് ഈ മത്സരത്തില് കളിക്കാനാവില്ല. മെസ്സിയുടെ ആരോഗ്യനില തൃപ്തികരമാണെന്ന് പി.എസ്.ജി അധികൃതര് വ്യക്തമാക്കി. മികച്ച ഫുട്ബോളര്ക്കുള്ള ബാലൺ ഡി ഓർ പുരസ്കാരം ഏഴ് തവണ സ്വന്തമാക്കിയ മെസ്സി ഈ സീസണിലാണ് ബാഴ്സലോണ വിട്ട് പി.എസ്.ജിയിലെത്തിയത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here