ട്രെയിനില്‍ മര്‍ദ്ദനമേറ്റയാള്‍ സ്ഥിരം കുറ്റവാളി ; നിലവില്‍ 3 കേസുകളില്‍ പ്രതി

മാവേലി എക്സ്​പ്രസ്സിൽ കഴിഞ്ഞ ദിവസം റെയില്‍വേ പൊലീസിൻറെ​ മര്‍ദ്ദനത്തിന്​ ഇരയായ വ്യക്​തിയെ തിരിച്ചറിഞ്ഞു. കൂത്തുപറമ്പ്​ സ്വദേശി പൊന്നൻ ഷമീറാണ്​ ഇതെന്ന്​ പൊലീസ്​ അറിയിച്ചു. ഇയാൾ സ്ഥിരം കുറ്റവാളിയാണെന്ന് പൊലീസ് പറഞ്ഞു. ഇയാളെ കണ്ടെത്താനായിട്ടില്ല. ഫോട്ടോ കണ്ട ബന്ധുക്കളാണ് തിരിച്ചറിഞ്ഞത്.

2011, 2016 കാലയളവിൽ മാല മോഷണം, ക്ഷേത്ര ഭണ്ഡാരം കവർച്ച എന്നിവയടക്കം ഇയാൾക്കെതിരെ വിവിധ പൊലീസ്​ സ്​റ്റേഷനുകളിലായി 3 കേസുകൾ നിലവിലുള്ളതായും പൊലീസ്​ അറിയിച്ചു.

സ്ഥിരം മദ്യപാനിയാണ്​ ഇയാളെന്നും പൊലീസ് വ്യക്തമാക്കി. മദ്യപിച്ച്​ സ്ത്രീകളെ ശല്ല്യം ചെയ്​തതിനാണ്​ ഇയാളെ ട്രെയിനിൽ നിന്ന്​ ഇറക്കി വിട്ടതെന്നായിരുന്നു എ.എസ്​.ഐയുടെ വിശദീകരണം.

ഷമീറിനെ റെയിൽവേ പൊലീസ്​ എ.എസ്​.ഐ ട്രെയിനിൽ വെച്ച്​ മര്‍ദ്ദിക്കുന്ന ദൃശ്യങ്ങൾ പുറത്തു വന്നിരുന്നു. ഇതേതുടർന്ന്​ എ.എസ്​.ഐയെ സസ്​പെൻറ്​ ചെയ്തിരുന്നു. സംഭവത്തില്‍ മനുഷ്യാവകാശ കമീഷൻ സ്വമേധയാ കേസെടുക്കുകയും ചെയ്തിരുന്നു.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here