മദ്രാസ് മൊസാര്ട്ട് എന്നറിയപ്പെടുന്ന എ.ആര്. റഹ്മാന്റെ 55-ാം പിറന്നാളാണിന്ന്. അച്ഛന് പിറന്നാള് ആശംസകള് നേര്ന്ന് മകന് എ ആര് അമീന്. തന്റെ ഫെയ്സ്ബുക്ക്, ഇന്സ്റ്റഗ്രാം, ട്വിറ്റര് അക്കൗണ്ടുകളില് എ.ആര്. റഹ്മാനുമൊത്തുള്ള ഫോട്ടോ പോസ്റ്റ് ചെയ്താണ് അമീന് പിറന്നാളാശംസകള് അറിയിച്ചിരിക്കുന്നത്. ലോകത്തിലെ ഏറ്റവും ബെസ്റ്റ് ഡാഡിന് പിറന്നാളാശംസകള് എന്ന കുറിപ്പോടെയാണ് അമീന് ഫോട്ടോ പോസ്റ്റ് ചെയ്തിരിക്കുന്നത്.
മലയാളം, തമിഴ് ചലച്ചിത്രങ്ങൾക്കു സംഗീതം നൽകിയിരുന്ന ആർ കെ ശേഖറിന്റെ മകനായി 1967 ജനുവരി 6ന് ചെന്നൈയിലാണ് എ ആർ റഹ്മാൻ ജനിച്ചത്. ദിലീപ് കുമാർ എന്നായിരുന്നു ആദ്യ പേര്. ചെറുപ്പം മുതലെ അച്ഛന്റെ റെക്കോർഡിംഗ് സ്റ്റുഡിയോയിൽ റഹ്മാൻ കീബോർഡ് വായിക്കുമായിരുന്നു.
റഹ്മാന്റെ ഒൻപതാം വയസ്സിൽ പിതാവ് മരിച്ചു. പഠന കാലത്ത് വരുമാനത്തിനുവേണ്ടി ജോലി ചെയ്യേണ്ടി വന്നു റഹ്മാന്. ഇതിന്റെ ഫലമായി ക്ലാസ്സുകൾ നഷ്ടപ്പെടുകയും പരീക്ഷകളിൽ പരാജയപ്പെടുകയും ചെയ്തു. ശേഷം മറ്റൊരു സ്കൂളിൽ ചേർന്ന് റഹ്മാൻ പഠനം തുടർന്നു.
ഈ കാലത്ത് ഇസ്ലാം മത വിശ്വാസം സ്വീകരിച്ച അദ്ദേഹം, ദിലീപ് കുമാറെന്ന പേര് റഹ്മാൻ എന്നാക്കി. അമ്മ കരീമാ ബീഗത്തിന്റെ അഭ്യർഥന പ്രകാരമായിരുന്നു ഇതെന്ന് അദ്ദേഹം മുമ്പൊരിക്കൽ വെളിപ്പെടുത്തിയിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
View this post on Instagram
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here