പാലക്കാട് റെയിൽവേ കോളനിയ്ക്ക് സമീപം ഉമ്മിണിയിൽ പഴയ കെട്ടിടത്തിനുള്ളിൽ നിന്നും പുലിക്കുഞ്ഞുങ്ങളെ കണ്ടെത്തി. പ്രദേശവാസിയായ മാധവൻ്റെ ഉടമസ്ഥതയിലുള്ള ഒഴിഞ്ഞ് കിടന്ന കെട്ടിടത്തിലാണ് പുലിക്കുഞ്ഞുങ്ങളെ കണ്ടെത്തിയത്. വനം വകുപ്പ് ഉദ്യോഗസ്ഥരെത്തി പുലിക്കുഞ്ഞുങ്ങളെ പാലക്കാട് ഡിഎഫ്ഒ ഓഫീസിലേക്ക് മാറ്റി.
പന്ത്രണ്ട് മണിയോടെയാണ് റെയിൽവേ കോളനിയ്ക്ക് സമീപം ഉമ്മിണിയിൽ രണ്ടു പുലിക്കുഞ്ഞുങ്ങളെ കണ്ടെത്തിയത്. പ്രദേശവാസിയായ മാധവൻ്റെ ഉടമസ്ഥതയിലുള്ള ആളൊഴിഞ്ഞ കെട്ടിടത്തിനുള്ളിലാണ് പുലിക്കുഞ്ഞുങ്ങൾ കിടന്നത്.
സ്ഥലത്തിൻ്റെ നോട്ടക്കാരനായിരുന്ന പ്രദേശവാസിയായ പൊന്നനാണ് ഇവയെ കണ്ടത്. പൊന്നൻ സ്ഥലത്തെത്തിയപ്പോൾ കെട്ടിടത്തിനുള്ളിൽ നിന്നും പുലി ഓടി പോവുന്നത് കണ്ടു.പിന്നീട് വനം വകുപ്പ് ഉദ്യോഗസ്ഥർ സ്ഥലത്തെത്തി കുഞ്ഞുങ്ങളെ പാലക്കാട് ഡി എഫ് ഒ ഓഫീസിലേക്ക് മാറ്റി.
തള്ളപ്പുലിയെ കൂടി കണ്ടെത്താൻ പ്രദേശത്ത് കൂട് സ്ഥാപിയ്ക്കുമെന്നും അതിന് പുലിയെയും കുഞ്ഞുങ്ങളെയും കാട്ടിലേക്ക് മാറ്റുമെന്നും ഒലവക്കോട് സി സി എഫ് വ്യക്തമാക്കി.ജനവാസ മേഖലയിൽ നിന്നും പുലിക്കുഞ്ഞുങ്ങളെ കണ്ടതോടെ നാട്ടുകാർ കടുത്ത ഭീതിയിലാണ്. തള്ളപ്പുലിയെ പിടികൂടാൻ അടിയന്തിര നടപടി വേണമെന്ന് നാട്ടുകാർ ആവശ്യപ്പെട്ടു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
Get real time update about this post categories directly on your device, subscribe now.
