ഇടുക്കി പൈനാവ് ഗവ. എഞ്ചിനീയറിംഗ് കോളേജ് വിദ്യാർത്ഥിയും എസ് എഫ് ഐ പ്രവർത്തകനുമായ ധീരജിനെ കൊലപ്പെടുത്തിയ സംഭവത്തിൽ പ്രതിഷേധിച്ച് നാളെ എസ് എഫ് ഐസംസ്ഥാന വ്യാപക പഠിപ്പ്മുടക്ക് സമരത്തിന് ആഹ്വാനം ചെയ്തു.
ഇടുക്കി പൈനാവ് ഗവ. എഞ്ചിനീയറിംഗ് കോളേജിലെ ഏഴാം സെമസ്റ്റർ കമ്പ്യൂട്ടർ സയൻസ് വിദ്യാർത്ഥിയാണ് കൊല്ലപ്പെട്ട ധീരജ്. മുഖ്യമന്ത്രി പിണറായി വിജയൻ സംഭവത്തിൽ അപലപിച്ചു. കണ്ണൂർ തളിപ്പറമ്പ് പാലക്കുളങ്ങര സ്വദേശിയാണ് കൊല്ലപ്പെട്ട ധീരജ്.
ഇന്ന് ഉച്ചയോടെ കേരള ശാസ്ത്ര സാങ്കേതിക സര്വകലാശാലയുടെ ഭാഗമായുള്ള കോളജില് തെരഞ്ഞെടുപ്പ് നടക്കുന്നതിനിടെയാണ് എസ്എഫ്ഐ-കെഎസ്യു പ്രവര്ത്തകര് തമ്മില് സംഘര്ഷമുണ്ടായത്. ഇതിനിടെ പുറത്ത് നിന്നെത്തിയ യൂത്ത് കോണ്ഗ്രസ് പ്രവര്ത്തകരാണ് വിദ്യാര്ത്ഥികളെ നെഞ്ചിൽ കുത്തിയതെന്ന് മറ്റ് വിദ്യാര്ത്ഥികള് പറഞ്ഞു. പരുക്കേറ്റ വിദ്യാര്ത്ഥിയുടെ നില ഗുരുതരമാണ്.
അഭിജിത്ത് ടി. സുനില്, അമല് എ എസ് എന്നീ രണ്ട് വിദ്യാർത്ഥികൾക്കാണ് സംഭവത്തിൽ ധീരജിന്റെ കൂട്ടത്തിൽ കുത്തേറ്റത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here