2022 ഓഗസ്റ്റ് 15ന് കേരളം സമ്പൂർണ ഡിജിറ്റൽ ഭരണ സംസ്ഥാനമാകുന്നതുമായി ബന്ധപ്പെട്ട് സർക്കാർ സേവനങ്ങളുടെ ഒരു ഘട്ടത്തിലും ഭൗതിക സമ്പർക്കം ഉണ്ടാകുന്നില്ലെന്ന് ഉറപ്പുവരുത്താനായി ചീഫ് സെക്രട്ടറി പുറപ്പെടുവിച്ച മാർഗനിർദേശങ്ങൾ കേരള വാട്ടർ അതോറിറ്റിയിൽ പൂർണമായും നടപ്പിലാക്കും.
ഒമൈക്രോൺ വ്യാപനം തടയുന്നതിനും കൊവിഡ് പ്രോട്ടോക്കോൾ, ഹരിത പ്രോട്ടോക്കോൾ എന്നിവ പാലിക്കുന്നതിനുമായി ചീഫ് സെക്രട്ടറിയുടെ നിർദേശങ്ങൾ ഉടൻ നടപ്പിലാക്കാൻ മാനേജിങ് ഡയറക്ടർ ബന്ധപ്പെട്ട ജീവനക്കാർക്ക് നിർദേശം നൽകി. ചീഫ് സെക്രട്ടറി പുറപ്പെടുവിച്ച നിർദേശങ്ങൾക്കനുസരിച്ച് എല്ലാ പണമിടപാടുകളും ഒാൺലൈൻ ആയി മാത്രം നടത്തും.
എല്ലാ ബില്ലുകളും ഡിജിറ്റലായി മാത്രം നൽകും. എല്ലാ രസീതുകളും സർട്ടിഫിക്കറ്റുകളും ഇലക്ട്രോണിക് ആയി മാത്രമാകും നൽകുന്നത്. എല്ലാ ഫയലുകളും ഡിജിറ്റൽ ആയി കൈകാര്യം ചെയ്യും. പരാതികളും അപേക്ഷകളും ഡിജിറ്റൽ ആയി സ്വീകരിക്കും. എല്ലാ ഓൺലൈൻ സേവനങ്ങൾക്കും ഔദ്യോഗിക വെബ്സൈറ്റിൽ ഡാഷ് ബോർഡ് നൽകും.
എല്ലാ സേവനങ്ങളും ജനങ്ങൾക്ക് ബുദ്ധിമുട്ടുണ്ടാകാത്ത രീതിയിൽ സമയബന്ധിതമായി ലഭ്യമാക്കാൻ അടിയന്തര നടപടി കൈക്കൊള്ളാൻ ഡാറ്റ ബേസ് അഡ്മിനിസ്ട്രേറ്റർ (ഇൻ-ചാർജ്) എസ്. വി.പി. ജിതേന്ദ്രിയന് നിർദേശം നൽകിയതായി മാനേജിങ് ഡയറക്ടർ എസ്. വെങ്കടേസപതി ഐഎഎസ് അറിയിച്ചു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
