അതിജീവിച്ച നടിക്ക് പിന്തുണ അറിയിച്ച് നടന് ദുല്ഖര് സല്മാനും. തന്റെ ഇന്സ്റ്റാഗ്രാം അക്കൗണ്ടിലെ സ്റ്റോറിയിലൂടെ നടിയുടെ കുറിപ്പ് പങ്കുവെച്ചുകൊണ്ടാണ് ദുല്ഖര് തന്റെ പിന്തുണ അറിയിച്ചത്. മൂന്ന് ലവ് ഇമോജിയും നടിയുടെ കുറിപ്പിന് അദ്ദേഹം നല്കിയിട്ടുണ്ട്.
മമ്മൂട്ടി, മോഹന്ലാല്,പൃഥ്വിരാജ്, ടോവിനോ തുടങ്ങിയ താരങ്ങളും
അക്രമം അതിജീവിച്ച നടിക്ക് പിന്തുണയുമായി രംഗത്ത് എത്തിയിരുന്നു. ധീരത എന്ന് പറഞ്ഞു കൊണ്ടാണ് നടന് പൃഥ്വിരാജ് നടിയുടെ കുറിപ്പ് പങ്കുവെച്ചത്.
നടി സോഷ്യല്മീഡിയയില് പങ്കുവെച്ച കുറിപ്പിന്റെ പൂര്ണരൂപം
‘ ഈ യാത്ര ഒരിക്കലും എളുപ്പമായിരുന്നില്ല, ഇരയാക്കപ്പെടലില് നിന്നും അതിജീവനത്തിലേക്കുള്ള ഈ യാത്ര’
5 വര്ഷമായി എന്റെ പേരും വ്യക്തിത്വവും, എനിക്ക് സംഭവിച്ച അതിക്രമത്തിനടിയില് അടിച്ചമര്ത്തപ്പെട്ടിരിക്കുകയാണ്. കുറ്റം ചെയ്തത് ഞാന് അല്ലെങ്കിലും എന്നെ അവഹേളിക്കാനും നിശബ്ദയാക്കാനും ഒറ്റപ്പെടുത്താനും ഒരുപാട് ശ്രമങ്ങള് ഉണ്ടായിട്ടിട്ടുണ്ട്.
എന്നാല് അപ്പോളൊക്കെയും ചിലരൊക്കെ നിശബ്ദത ഭേദിച്ച് മുന്നോട്ട് വന്നു; എനിക്ക് വേണ്ടി സംസാരിക്കാന്, എന്റെ ശബ്ദം നിലയ്ക്കാതിരിക്കാന്. ഇന്ന് എനിക്ക് വേണ്ടി നിലകൊള്ളുന്ന ഇത്രയും ശബ്ദങ്ങള് കേള്ക്കുമ്പോള് ഞാന് തനിച്ചല്ലെന്ന് തിരിച്ചറിയുന്നു.
നീതി പുലരാനും തെറ്റു ചെയ്തവര് ശിക്ഷിക്കപ്പെടാനും ഇങ്ങനെയൊരനുഭവം മറ്റാര്ക്കും ഉണ്ടാവാതെയിരിക്കാനും ഞാന് ഈ യാത്ര തുടര്ന്നുകൊണ്ടേയിരിക്കും. കൂടെ നില്ക്കുന്ന എല്ലാവരുടേയും സ്നേഹത്തിന് ഹൃദയം നിറഞ്ഞ നന്ദി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here