സിനിമാ ലൊക്കേഷനില്‍ നിന്ന് പരിചയപ്പെട്ട് പ്രണയത്തിലേക്ക് വഴിമാറിയ ചിമ്പു നിധി അഗര്‍വാള്‍ താരങ്ങളുടെ വിവാഹം വൈകാതെ ഉണ്ടാവും എന്ന് റിപ്പോര്‍ട്ടുകള്‍ പുറത്ത്. തെന്നിന്ത്യന്‍ നടിമാരായ തൃഷ നയന്‍താര എന്നിവരുമായുള്ള പ്രണയ ബന്ധങ്ങളും കല്യാണ ഗോസ്സിപ്പുകള്‍ക്കും ഒക്കെ ശേഷം ഇപ്പോള്‍ താരത്തിന്റെ പുതിയ പ്രണയത്തെയും വിവാഹത്തെയും കുറിച്ചാണ് തെന്നിത്യന്‍ മാധ്യമങ്ങള്‍ ചര്‍ച്ച ചെയ്യുന്നത്.
നിരവധി ദേശിയ മാധ്യമങ്ങളും ഇതേ കുറിച്ച് റിപ്പോര്‍ട്ട് ചെയ്തിട്ടുണ്ട്. നായകി-നായകന്മാരായി ഒന്നിച്ച് അഭിനയിച്ചപ്പോള്‍ തുടങ്ങിയ സൗഹൃദം പിന്നീട് ആലോചിച്ചപ്പോള്‍ നല്ലതായി തോന്നിയെന്നുമാണ് വാര്‍ത്തകള്‍.
2021 ജനുവരിയില്‍ റിലീസ് ചെയ്ത ചിമ്പു നിധി താര ജോഡികളായി എത്തിയ സിനിമയാണ് ‘ഈശ്വരന്‍’. സുശീന്ദ്രന്‍ സംവിധാനം ചെയ്ത ഫാമിലി ആക്ഷന്‍ ഡ്രാമ ചിത്രമാണ് ഇത്. ഈ സിനിമയുടെ ചിത്രീകരണത്തിനിടെയിലാണ് ചിമ്പുവും നിധിയും തമ്മില്‍ പ്രണയത്തിലായതെന്നും ഏകദേശം രണ്ട് വര്‍ഷത്തോളമായി ഇരുവരും തമ്മില്‍ പ്രണയത്തിലാണെന്നും വാര്‍ത്തകള്‍ പ്രചരിക്കുന്നുണ്ട്. ഇതുകൂടാതെ
ചെന്നൈയിലുള്ള വീട്ടില്‍ ഇരുവരും ഒരുമിച്ചാണ് താമസിക്കുന്നതെന്നും ഉടന്‍ വിവാഹിതരാകാന്‍ പദ്ധതിയിടുന്നതായും റിപ്പോര്‍ട്ടില്‍ എത്തുന്നുണ്ടെങ്കിലും ഇരുവരും ഇതുവരെ വാര്‍ത്തകളെ കുറിച്ച് പ്രതികരിച്ചിട്ടില്ല.
മാനാട് എന്ന സിനിമയാണ് ഏറ്റവുമൊടുവില്‍ ചിമ്പുവിന്റേതായി പുറത്ത് ഇറങ്ങിയത്. ‘വെന്ത് തനിന്തത് കാട്’ ആണ് അടുത്തതായി വരാനിരിക്കുന്ന സിനിമ. പത്തു തലൈ, കൊറോണ കുമാര്‍ എന്നിങ്ങനെ രണ്ട് സിനിമകള്‍ കൂടി അണിയറയില്‍ ഒരുങ്ങുന്നുണ്ട്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
Get real time update about this post categories directly on your device, subscribe now.
