മഹേഷ് നാരായണന്റെ സംവിധാനത്തില് കുഞ്ചാക്കോ ബോബന് നായകനായെത്തുന്ന ചിത്രം ‘അറിയിപ്പ്’. ചിത്രത്തിന്റ ഷൂട്ടിംഗ് നോയിഡയില് പുരോഗമിക്കുകയാണ്. പുതിയ ചിത്രത്തെ കുറിച്ച് കുഞ്ചാക്കോ ബോബന് തന്നെയാണ് ആദ്യം സാമൂഹ്യമാധ്യമങ്ങളിലൂടെ അറിയിച്ചത്. ഇപോഴിതാ ‘അറിയിപ്പ്’ എന്ന ചിത്രത്തിന്റെ ഷൂട്ടിംഗ് പുരോഗമിക്കുകയാണ് എന്ന് അറിയിച്ച് ഫോട്ടോ പങ്കുവെച്ചിരിക്കുകയാണ് കുഞ്ചാക്കോ ബോബന്.
വേറിട്ട ലുക്കിലാണ് അറിയിപ്പ് ചിത്രത്തില് കുഞ്ചാക്കോ ബോബന്. നോയിഡയിലാണ് മഹേഷ് നാരായണന് ചിത്രത്തിന്റെ ഷൂട്ടിംഗ് നടക്കുന്നത്. കുഞ്ചാക്കോ ബോബന് എന്തു കഥാപാത്രമാണ് ചെയ്യുന്നത് എന്നതടക്കമുള്ള വിവരങ്ങള് പുറത്തുവിട്ടിട്ടില്ല. എന്തായാലും ഹേഷ് നാരായണനും കുഞ്ചാക്കോ ബോബനും വീണ്ടും ഒന്നിക്കുമ്പോള് എല്ലാവരും പ്രതീക്ഷകളിലാണ്.
മഹേഷ് നാരായണന്റെ ചിത്രം നിര്മിക്കുന്നത് ഷെബിന് ബെക്കറാണ്. ഫഹദ് നായകനായി അഭിനയിച്ച ചിത്രമായ ‘മാലിക്’ ആണ് മഹേഷ് നാരായണന്റെ സംവിധാനത്തില് ഏറ്റവും ഒടുവില് പ്രദര്ശനത്തിന് എത്തിയത്. ‘സി യു സൂണെ’ന്ന ചിത്രവും അതിനുമുമ്പ് മഹേഷ് നാരായണന് സംവിധാനം ചെയ്തിട്ടുണ്ട്. കുഞ്ചാക്കോ ബോബന് നായകനാകുന്ന ചിത്രത്തിന്റെ ചിത്രസംയോജനം നിര്വഹിക്കുന്നതും മഹേഷ് നാരായണന് തന്നെയാണ്.
‘എന്താടാ സജീ’ എന്ന ചിത്രത്തിലും കുഞ്ചാക്കോ ബോബന് പ്രധാന കഥാപാത്രങ്ങളില് ഒരാളായി എത്തുന്നുണ്ട്. ചിരിക്ക് പ്രാധാന്യമുള്ള ഒരു ചിത്രമായിരിക്കും ഇത്. ‘എന്താടാ സജീ’ എന്ന ചിത്രത്തില് ജയസൂര്യ ആണ് കേന്ദ്ര കഥാപാത്രമായി എത്തുന്നത്. അറിയിപ്പ് എന്ന തന്റെ ചിത്രം പൂര്ത്തിയാക്കിയ ശേഷമാകും കുഞ്ചാക്കോ ബോബന് ‘എന്താടാ സജീ’യില് അഭിനയിക്കുക.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here