ജിയോ ബേബിയുടെ സംവിധാനത്തില് ഒരുങ്ങിയ ചിത്രം ‘ദ് ഗ്രേറ്റ് ഇന്ത്യന് കിച്ചണ്’ കടലു കടന്ന് ജപ്പാനിലേക്ക്. ഈ മാസം 21 മുതലാണ് ചിത്രം ജപ്പാനിലെ തിയറ്ററുകളില് പ്രദര്ശിപ്പിക്കുന്നത്. ജാപ്പനീസ് ഭാഷയില് സബ് ടൈറ്റിലുകളോടെയാവും പ്രദര്ശനം. 2021ല് മികച്ച പ്രേക്ഷക പ്രതികരണം നേടിയ ചിത്രമാണിത്.
ചിത്രത്തിന്റെ ജപ്പാനിലെ വിതരണാവകാശം നേരത്തേ വിറ്റുപോയിരുന്നതാണെങ്കിലും കൊവിഡ് പ്രതിസന്ധിയില് റിലീസ് നീണ്ടുപോവുകയായിരിന്നു. ഈ മാസം 21 മുതലാണ് ചിത്രം ജപ്പാനിലെ തിയറ്ററുകളില് പ്രദര്ശിപ്പിക്കുക.
തൊണ്ടി മുതലും ദൃക്സാക്ഷിയും എന്ന സിനിമയ്ക്ക് ശേഷം സുരാജ് വെഞ്ഞാറമ്മൂടും നിമിഷ സജയനും പ്രധാന കഥാപാത്രങ്ങളെ അവതരിപ്പിച്ച ചിത്രമാണ് ദി ഗ്രേറ്റ് ഇന്ത്യന് കിച്ചണ്. നീസ്ട്രീമിലൂടെയാണ് ചിത്രം ഇന്ഡ്യയില് റിലീസ് ചെയ്തത്.
ചിത്രത്തിന്റെ വന് വിജയത്തിന് പിന്നാലെ ആമസോണ് പ്രൈം അടക്കമുള്ള നിരവധി പ്ലാറ്റ്ഫോമിലും ചിത്രം പ്രദര്ശനം ആരംഭിച്ചിരുന്നു. നിത്യജീവിതത്തിലെ ലളിതമായസംഭവങ്ങളിലൂടെ പുരുഷാധിപത്യ സമൂഹത്തെക്കുറിച്ച് സംസാരിച്ച ചിത്രത്തെക്കുറിച്ച് ബിബിസി ഉള്പ്പെടെയുള്ള അന്തര്ദേശീയ മാധ്യമങ്ങളിലും റിപ്പോര്ട്ടുകള് ഉണ്ടായിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here