നടന് ദിലീപിന്റെ ആലുവയിലെ വീട്ടില് ക്രൈംബ്രാഞ്ച് റെയ്ഡ്. ദിലീപിന്റെ സഹോദരന് അനൂപിന്റെ വീട്ടിലും നിര്മാണ കമ്പനിയിലും റെയ്ഡ് നടക്കുന്നുണ്ട്. ക്രൈംബ്രാഞ്ച് എസ്പി യുടെ നേതൃത്വത്തിലാണ് പരിശോധന.
നടിയെ ആക്രമിച്ച കേസില് തെളിവുകള് തേടിയാണ് ദിലീപിന്റെ വീട്ടില് ക്രൈംബ്രാഞ്ച് റെയ്ഡ് നടത്തുന്നത്. അന്വേഷണ ഉദ്യോഗസ്ഥരെ വധിക്കാന് ഗൂഢാലോചന നടത്തി എന്ന കേസിലാണ് പരിശോധന.
ഈ കേസില് മുന്കൂര് ജാമ്യം തേടി ദിലീപ് ഹൈക്കോടതിയെ സമീപിച്ചിരുന്നു. ഈ ഹര്ജി നാളെ കോടതി പരിഗണിക്കാനിരിക്കേയാണ് രാവിലെ 11.45 ഓടെ ക്രൈംബ്രാഞ്ച് പ്രത്യേക സംഘം പരിശോധനയ്ക്കെത്തിയത് .
തന്റെ ചുമലില് കൈവച്ച പൊലീസുകാരനെ വധിക്കുമെന്നും മറ്റുള്ള ഉദ്യോഗസ്ഥരുടെ വീട്ടില് ലോറി കയറ്റുമെന്നും ദിലീപ് പറഞ്ഞതായി സംവിധായകന് ബാലചന്ദ്രകുമാര് മൊഴി നല്കിയിരുന്നു. ഇതിന്റെ ഭാഗമായാണ് ദിലീപിന്റെ വീട്ടില് പരിശോധന നടത്തുന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here