സംസ്ഥാനത്തിന് ഏറെ പ്രയോജനം ഉള്ള കെ റെയിൽ പദ്ധതിക്ക് ബുദ്ധിയുള്ള ഒരു കേന്ദ്രസർക്കാരോ അതിലെ മന്ത്രിയോ അന്തിമാനുമതി നിഷേധിക്കുമെന്ന് കരുതുന്നില്ലെന്ന് ധനമന്ത്രി കെ എൻ ബാലഗോപാൽ പറഞ്ഞു.പത്തനംതിട്ടയിൽ മാധ്യമപ്രവർത്തകരുടെ ചോദ്യങ്ങൾക്ക് മറുപടി പറയുകയായിരുന്നു അദ്ദേഹം.
സാധാരണഗതിയിൽ നിയമപരമായോ, സാങ്കേതികപരമായോ, ധനപരമായോ കേന്ദ്രസർക്കാരിന് അന്തിമാനുമതി നിഷേധിക്കാൻ സാധിക്കില്ല. അവരുടെ കൂടി അനുമതിയോടെയാണ് പ്രാഥമിക നടപടികൾ തുടരുന്നുത്.
കേരളത്തിലെ ചിലർ അനുമതി നിഷേധിക്കുമെന്ന് പറയുന്നുണ്ട്. രാഷ്ട്രീയമായി ഇത്തരമൊരു പദ്ധതി തടസ്സപ്പെടുത്താന്‍ ആരും തയ്യാറാകില്ലെന്നാണ് പ്രതീക്ഷ.
രാഷ്ട്രീയമായി ഇതിനെ ഉപയോഗിച്ച് പദ്ധതി താമസിപ്പിക്കുകയോ അനുമതി നിഷേധിക്കുകയോ ചെയ്താ‍ൽ അത് കേരളത്തിലെ ജനങ്ങളെ ബുദ്ധിമുട്ടിലാക്കുന്നതിന് തുല്യമാകും. അത് ജനങ്ങൾ തിരിച്ചറിയുക തന്നെ ചെയ്യുമെന്ന് ബാലഗോപാൽ പറഞ്ഞു.
കേരളത്തോട് താൽപ്പര്യമുള്ളവരോ ലോകത്തെ ഇത്തരം കാര്യങ്ങൾ മനസ്സിലാക്കുന്നവരോ ഇതിന് അനുമതി നിഷേധിക്കുന്ന തരത്തിൽ നടപടിയെടുക്കില്ലെന്നാണ് പ്രതീക്ഷയെന്ന് ധനമന്ത്രി പറഞ്ഞു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
