മമ്മൂട്ടി- അമല് നീരദ് കൂട്ടുകെട്ടില് ഒരുക്കുന്ന ചിത്രത്തിലെ ‘പറുദീസ’ എന്ന് തുടങ്ങുന്ന ഗാനം നാളെ ആറ് മണിക്ക് റിലീസ് ചെയ്യും. ആരാധകര് ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ഭീഷ്മപര്വ്വം. സിനിമയുടെ പോസ്റ്ററുകള്ക്ക് മികച്ച പ്രതികരണമാണ് സോഷ്യല് മീഡിയയില് നിന്നും ലഭിച്ചത്.
ഇപ്പോഴിതെ ഭീഷ്മപര്വ്വത്തിലെ ആദ്യഗാനത്തെക്കുറിച്ചുള്ള അപ്ഡേറ്റാണ് വന്നിരിക്കുന്നത്.’പറുദീസ’ എന്ന് തുടങ്ങുന്ന ഗാനം നാളെ ആറ് മണിക്ക് റിലീസ് ചെയ്യും. മമ്മൂട്ടി തന്നെയാണ് ഇക്കാര്യം സമൂഹ മാധ്യമങ്ങളിലൂടെ അറിയിച്ചത്. സുഷിന് ശ്യാമാണ് ഗാനം ഒരുക്കിയിരിക്കുന്നത്. ശ്രീനാഥ് ഭാസി ആലപിച്ച ഗാനത്തിന്റെ വരികള് വിനായക് ശശികുമാര് ആണ് ഒരുക്കിയിരിക്കുന്നത്.
ഫെബ്രുവരി 24നാണ് ഭീഷ്മപര്വത്തിന്റെ റിലീസ്. ചിത്രത്തിലെ മറ്റു കഥാപാത്രങ്ങളെ പരിചയപ്പെടുത്തി കൊണ്ടുള്ള പോസ്റ്റുകള് അണിയറ പ്രവര്ത്തകര് കഴിഞ്ഞ ദിവസങ്ങളിലായി സോഷ്യല് മീഡിയയിലൂടെ പങ്കുവെച്ചിരുന്നു. ഗ്യാങ്സ്റ്റര് ഡ്രാമ വിഭാഗത്തില് പെടുന്ന ചിത്രമാണ് ‘ഭീഷ്മ പര്വ്വം’.
മമ്മൂട്ടിക്ക് പുറമെ ചിത്രത്തില് വമ്പന് താരനിരയാണ് അണിനിരക്കുന്നത്. തബു, സൗബിന് ഷാഹിര്, ഷൈന് ടോം ചാക്കോ, ഫര്ഹാന് ഫാസില്, ശ്രീനാഥ് ഭാസി, ദിലീഷ് പോത്തന്, അബു സലിം, ലെന, ശ്രിന്ഡ, വീണ നന്ദകുമാര്, ഹരീഷ് പേരടി, അനസൂയ ഭരദ്വാജ്, നദിയ മൊയ്തു, മാല പാര്വ്വതി എന്നിവരാണ് ചിത്രത്തിലെ മറ്റ് താരങ്ങള്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here