ബിഷപ്പ് ഫ്രാങ്കോ മുളക്കല് കേസിലെ ഫ്രാങ്കോ കേസില് അപ്പീൽ സമർപ്പിക്കുന്നതിന് പൊലീസ് നിയമോപദേശം തേടി. കോട്ടയം ജില്ലാ പൊലീസ് മേധാവിയാണ് നിയമോപദേശം തേടിയത്. പബ്ലിക് പ്രോസിക്യൂട്ടറിൽ നിന്നാണ് നിയമോപദേശം തേടിയത്.
2014 മുതല് 2016 വരെ 13 തവണ കുറവിലങ്ങാട് മഠത്തില് വച്ച് ജലന്ധര് ബിഷപ്പായിരുന്ന ഫ്രാങ്കോ മുളയ്ക്കല് കന്യാസ്ത്രീയെ ബലാത്സംഗം ചെയ്തുവെന്നായിരുന്നു കേസ്.
2014 മുതല് 2016 വരെയുള്ള കാലയളവില് ഡോ. ഫ്രാങ്കോ മുളയ്ക്കല് പല തവണ പീഡിപ്പിച്ചെന്നാണ് കന്യാസ്ത്രീയുടെ പരാതി. 2019 ഏപ്രില് നാലിനാണ് കേസില് കുറ്റപത്രം സമര്പ്പിച്ചത്. 2020 സെപ്റ്റംബറിലാണ് കേസില് വിചാരണ ആരംഭിക്കുന്നത്. കേസിലെ 84 സാക്ഷികളില് 39 പേരെ കോടതി വിസ്തരിച്ചു.
2018 ജൂണ് 29നാണ് കേസിലെ ഏക പ്രതിയായ ഫ്രാങ്കോ മുളയ്ക്കലിനെതിരെ പൊലീസ് കേസെടുക്കുന്നത്. വൈക്കം ഡി.വൈ.എസ്.പി കെ. സുഭാഷിനായിരുന്നു അന്വേഷണ ചുമതല. എന്നാല് കേസെടുത്തിട്ടും ബിഷപ്പിനെ അറസ്റ്റ് ചെയ്യാന് പൊലീസ് തയ്യാറായിരുന്നില്ല.
കന്യാസ്ത്രീയെ പീഡിപ്പിച്ച കേസില് ബിഷപ്പ് ഫ്രാങ്കോ മുളയ്ക്കലിനെ വെറുതേ വിട്ടിരുന്നു. കോട്ടയം അഡീഷണല് സെഷന്സ് കോടതിയാണ് വിധി പറഞ്ഞത്.
ജഡ്ജി ജി. ഗോപകുമാറാണ് നിര്ണായക വിധി പ്രസ്താവിച്ചത്. 105 ദിവസത്തെ വിചാരണയില് 39 സാക്ഷികളെ വിസ്തരിച്ചു. 83 സാക്ഷികള് ഉണ്ടായിരുന്നുവെങ്കിലും കൂറുമാറാനുള്ള സാധ്യത കണക്കിലെടുത്ത് പ്രോസിക്യൂഷന് പലരെയും വിസ്തരിച്ചില്ല.
122 പ്രമാണങ്ങള് കോടതി പരിശോധിച്ചു. കഴിഞ്ഞ മാസം 29ന് വിചാരണ അവസാനിപ്പിച്ച കോടതി. 10-ാം തീയതി കൊണ്ട് അവസാന വാദവും പൂര്ത്തിയാക്കി. 2018 ജൂണ് 27നാണ് ബിഷപ്പിനെതിരെ പൊലീസ് കേസ് രജിസ്റ്റര് ചെയ്തത്. തുടര്ന്നുള്ള അന്വേഷണത്തില് ബിഷപ്പ് ഫ്രാങ്കോ മുളയ്ക്കല് കുറ്റക്കാരനാണെന്ന് കണ്ടെത്തി.
2018 സെപ്തംബര് 21ന് ചോദ്യം ചെയ്യലിനൊടുവില് ബിഷപ്പിന്റെ കയ്യില് വിലങ്ങുവീണു. 2019 ഏപ്രില് മാസത്തില് കുറ്റപത്രം സമര്പ്പിച്ചു. വിചാരണ കൂടാതെ കേസില് നിന്ന് ഒഴിവാക്കണമെന്ന ഫ്രാങ്കോയുടെ ആവശ്യം സുപ്രീംകോടതി വരെ തള്ളിയതോടെയാണ് വിചാരണ ആരംഭിച്ചത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here