കുതിരാന് ഒന്നാം തുരങ്കത്തിലെ ലൈറ്റുകള് തകര്ന്നു. ടോറസ് ലോറി ഇടിച്ചാണ് അപകടമുണ്ടായത്. ഇന്നലെ രാത്രി 8.50 ഓടെയാണ് സംഭവം.
പാലക്കാട് ഭാഗത്ത് നിന്നെത്തിയ ടോറസ് ലോറി ബക്കറ്റ് ഉയര്ത്തിവെച്ച് തുരങ്കത്തിലൂടെ കടന്നുപോകുകയായിരുന്നു. 90 മീറ്റര് ദൂരത്തിലെ 104 ലൈറ്റുകള്, പാനലുകള്, പത്ത് സുരക്ഷാ ക്യാമറകള്, പൊടിപടലങ്ങള് തിരിച്ചറിയാനുള്ള സെന്സറുകള് എന്നിവ പൂര്ണ്ണമായും തകര്ന്നു. കുതിരാന് ഒന്നാം തുരങ്കത്തിലെ ക്യാമറകളാണ് നശിച്ചത്. സംഭവത്തിന് ശേഷം നിര്ത്താതെ പോയ ലോറിക്കായി പോലീസ് അന്വേഷണം ആരംഭിച്ചു.
പത്തുലക്ഷം രൂപയുടെ നാശനഷ്ടമാണ് കണക്കാക്കുന്നത്. തുരങ്കത്തിലെ ലൈറ്റുകള് മനഃപൂര്വ്വം തകര്ത്തതാണോ എന്നത് വ്യക്തമല്ല. സിസിടിവിയില് നിന്ന് ടിപ്പര്ലോറിയുടെ ദൃശ്യങ്ങള് ലഭിച്ചിട്ടുണ്ടെങ്കിലും നമ്പര് വ്യക്തമല്ലെന്നാണ് അധികൃതര് പറയുന്നത്. ലൈറ്റുകള് തകര്ന്ന് വീഴുന്നതിന്റെ ശബ്ദം കേട്ട് ടിപ്പര് നിര്ത്തുകയും പിന്നീട് പിന്ഭാഗം താഴ്ത്തിയ ശേഷം നിര്ത്താതെ ഓടിച്ചുപോകുകയും ചെയ്തു.
സംഭവത്തില് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. ടിപ്പറിനായുള്ള തിരച്ചിലും തുടങ്ങിയതായി പോലീസ് അറിയിച്ചു. അതേ സമയം ലൈറ്റുകള് തകര്ന്നത് തുരങ്കത്തിലൂടെയുള്ള ഗതാഗതത്തെ ബാധിച്ചിട്ടില്ല. രണ്ടാം തുരങ്കം കഴിഞ്ഞ ദിവസം തുറന്നതോടെ ഒന്നാം തുരങ്കത്തിലെ ഗതാഗത കുരുക്ക് കുറഞ്ഞിട്ടുണ്ട്. ലൈറ്റുകള് തകര്ന്ന ഭാഗത്ത് ബാരിക്കേഡ് വെച്ച് അധികൃതര് ഒരു ഭാഗത്ത് കൂടിയാണ് വാഹനങ്ങള് കടത്തിവിടുന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here